網頁

▼
掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2026年11月20日 星期五

陳庭欣:傳秘戀燈飾老闆半年 陳庭欣否認拍拖:真係冇諗呢啲嘢 #陳庭欣

現年39歲嘅前港姐冠軍陳庭欣,去年12月與拍拖8年嘅「10億太子」楊振源分手,一度被指豪門夢碎嘅佢,轉投身Pickleball(匹克球)界闖出一片天, ...






現年39歲嘅前港姐冠軍陳庭欣,去年12月與拍拖8年嘅「10億太子」楊振源分手,一度被指豪門夢碎嘅佢,轉投身Pickleball(匹克球)界闖出一片天,帶領香港眾藝人發展運動人生,今日(20日)有消息指佢分手未夠一年已治愈情傷,新戀情曝光!據知,陳庭欣同從事電燈生意嘅Gary於今年4月因打匹克球而認識,二人迅速撻着,拍拖至今約半年。


陳庭欣新歡Gary經營燈飾生意兼係公司創辦人,曾負責不少名店燈光設計,四十多歲嘅佢中產出身,靠實力走入上流圈子。Gary更被揭已婚十多年,育有一子一女,社交圈甚少表露已婚身份,加上性格外向及中產背景,故婚後異性緣依然不減,不時有女埋身,而Gary在4、5個月前才與前妻完成離婚手續。有知情者透露,Gary於本年初曾力追前女團Super Girls成員趙慧珊(Aka),以公司名義贊助對方舉辦畫展《晃樂。願》,求奪芳心,惟最後Gary被派好人卡,二人未有進一步發展。


愛打Pickleball嘅Gary,不時以公司名義贊助大小比賽,因而結識已有匹克球教練資格嘅陳庭欣。據悉,二人由球友迅速發展成親密關係,身邊友人亦見證二人好啱Key,一樣係 Pickleball發燒友,佢哋當時差唔多晚晚同班朋友一齊打波,到一齊咗都冇特別講,唔算高調,但朋友間好快都get到。本月初,已跟Gary低調拍拖嘅陳庭欣參加Pickleball香港站港區海選賽,受訪時仍自稱「單身」,否認自己眼角高,又提到「金牌媒人」林盛斌(Bob)早前誤信緋聞以為佢封盤。


對於陳庭欣被指有新歡一事,她接受東網訪問時坦言:「我都睇咗段報道,啲人剩係睇標題就真係誤導晒,我同Gary已經識咗兩年,唔係打Pickleball識,佢係我朋友嘅朋友,我教佢哋打Pickleball嘅,我哋有一齊打波,亦有Common Friend,打完波又會一齊食吓嘢咁。(佢係咪追求你?)我哋真係冇諗呢啲嘢,順其自然啦,再係咁就真係冇人同我打波㗎嘞!好多朋友都係圈外人,我哋圈內中就話明啫!但身邊啲朋友因為我哋咁樣畀人擺上網冇晒私隱就真係唔係咁好囉!」提到有指對方已離婚,問是否知道時,她坦言:「咁略略都知嘅,都識咗兩年,大家朋友間都有提及,至於人哋離咗婚幾耐屋企事真係要畀番啲私隱,但以我所知就唔係報道上咁寫。」


提到昨晚台慶「女神跑步」環節甚受網民歡迎,她坦言覺得好好玩:「跑時心中都有數,試嗰陣都知大家實力,我都知李旻芳第一,佢真係跑開跑慣。」說到有網民指何沛珈是「心機女」,平時跑開馬拉松,昨晚專登跑第尾博攞「包尾獎盃」上鏡博新聞,陳庭欣即替她說好話謂:「我都想幫佢講番啲好說話,其實佢綵排時已經身體狀況唔係咁好,而且仲有頭暈,跑完都面都青埋,我摸吓佢隻手,係冰凍㗎!」



本文作轉載及備份之用 來源 source: http://hk.on.cc
鍾意就快D Share啦!