
無綫小生小花丁子朗(丁丁)及陳懿德(德德)每年台慶都一定會有表演環節,更是「司儀躉」,加上向來身材甚好的德德,每次踏上紅地氈都例必成為焦點之一,不過昨晚二人卻離奇不見影,原來他們一早已度期出外工作吸金。昨晚他們與農夫、洪嘉豪出席晚宴活動,二人擔任司儀工作,德德穿短裙仔晒美腿之餘,更戴上兔仔頭箍打扮成「兔女郎」,而丁丁則穿着黑色外衣,露出一雙麒麟臂,顯示操練多時的成果。
德德接受東網訪問時坦言:「呢兩日我都去咗做Annual Dinner嘅MC,個客好有心,大家合作咗好多次,今次邀請係年頭已經開始度,好多謝客戶咁信任我哋,一早就Book定我哋個期,今次Annual Dinner係好大型,現場有成3千幾人,我哋都好興奮,現場啲氣氛超好,好似我哋自己開緊演唱會一樣。」
丁子朗昨晚除了做司儀,還有跳舞,他表示:「不過就錯過咗公司一年一度嘅大盛典,(同德德合作有默契嗎?)開心呀!同德德合作好安心、好放心,因為佢係一個好好嘅司儀,現在氣氛超級好,今次係四面台,中間有個圓型嘅舞台,就好似喺紅館開騷咁,氣氛好好,大家都好熱情。」
本文作轉載及備份之用 來源 source: http://hk.on.cc
|
鍾意就快D Share啦!
|
|
|



