施展龍爪手強行箍頸 撳人落水惹公憤
昨晚（1日）播出的第9集節目中，一眾女神移師主題公園進行「水上騎膊馬」混戰。首輪由身形嬌小的陳星妤對戰陳若思，戰況極度激烈。初段陳若思「戰狼」上身採取主動攻擊，陳星妤先將腰向後拗企圖避開；隨着對手氣力不繼，陳星妤隨即發惡反擊。陳星妤先是一手扯住陳若思的衣服並推其面部，其後更出盡全力施展「龍爪手」掐捏對方的頸部，企圖將對方拉跌。最令網民嘩然的是，即使陳若思最終已被推落水，陳星妤依然出力將她的頭撳入水中，手段極其「狼死」。
陳若思心有餘悸 男伴林子朗憂心安全
慘遭強攻的陳若思事後猶有餘悸，直言對手極度硬淨：「我全程只係諗住拉佢落嚟、將佢推落水，但佢實在太頑強喇！我點拉點推，佢都好似穩如泰山咁，完全拉唔到佢落水！」與陳若思同組出戰的男伴林子朗亦表示擔憂：「因為當時喺水裡面睇唔到上面，只顧住唔可以放手，其實我好care Amber嘅安全問題，就算贏咗比賽，但如果整傷Amber，我會覺得好內疚。」
網民截圖見頸部損晒 炮轟道歉貓哭老鼠
陳若思上岸後被發現整條頸紅腫兼佈滿瘀傷，更有網民截圖見其頸部疑似流血損晒，直指戥她肉赤。大批網民隨即在社交平台洗版式狂轟陳星妤出手極度兇狠，不顧對手安全，直斥她是「恐怖女神」。
對於陳星妤遲來的致歉，網民完全不賣帳，紛紛留言炮轟：「報警傷人！有晒片有晒證據……撳人個頭落水！」、「Amber已經落水，再襟入水就唔止是遊戲想贏啦。」 有網民更質疑其道歉誠意：「吓？你係咪嚟搞笑？而家道歉有咩用，今集之前已經錄完而家先say sorry，同埋如果你係真係驚整傷人第二round就唔會繼續係咁」，怒斥她「贏比賽輸人品」及「貓哭老鼠」。目前陳若思仍未就道歉一事作任何表態。
本文作轉載及備份之用 來源 source: http://www.hk01.com
|
鍾意就快D Share啦！
|
|
|