《玫瑰戰爭》揭娛樂圈黑暗鬥爭：原來可以咁樣
陳星妤指今次在劇中再做比較年輕的角色，都有點壓力和緊張，透露不會有太性感演出，因自己不是性感路線，屬陽光、健康一類，又指：「唔係套套劇需要，都有唔同地方見到我着泳衣，唔使每套劇都着。」《玫瑰戰爭》講的是娛樂圈黑暗鬥爭，陳星妤指自己是後輩，不太清楚前輩手段：「但係當然我都有聽聞，我都覺得有啲誇張，原來娛樂圈可以咁樣，呢啲嘢係我自己平時冇諗過，所以我覺得劇集劇本都寫得好好，依啲真實嘅嘢可能都將佢呈現咗喺劇集，等大家知道可以係幾黑暗。（記者：有冇你似曾相識嘅情節呀？）佢入面都有好多情節，我就唔可以話有經歷，因為佢哋爭鬥嗰啲，我係後輩所以冇經歷，但係我見佢哋拍，有一啲我嘅記憶入面……我哋未爭鬥到咁，可能我未到嗰個爭鬥程度。」問有否遇過「批踭」等事件，星妤笑說自己比較瘦不會批到人，但反而會被「大隻仔」們一個轉身批到。
水戰箍頸扯衫被批「贏遊戲輸人品」 認失分寸向Amber道歉
《女神配對計劃2》中，陳星妤被指於玩水時非常狼死，對陳若思箍頸、扯衫、撳落水，網民指她「贏遊戲輸人品」，星妤回應指自己表情管理較差：「我唔係想殺咗Amber，純粹表情管理有啲差，其實我真係好攰，我隻手冇乜力就唯有表情用力少少。（記者：好想贏？）大家都好出力，不過其實可能我真係……表情管理比較差啲只可以講，好難上面笑住下面用力，當身體唔夠力，個面就畀啲力。」而節目出街後，陳星妤再就事件發文，稱感到自責：「睇返今次節目，我有認真反省。當時太投入比賽了，冇控制分寸同力度，心裏真係唔好受。Amber，抱歉令你受傷了。見到你嘅瘀傷，我好自責，希望你快啲好返 ❤️」
俞可程陷假單身疑雲 陳星妤指節目有fact check：好難隱藏
陳星妤在節目中透露自己單身約四個月，而自稱「單身一年半」的俞可程近日卻被網民踢爆是「假單身」，指7、8月時見過她與肥仔男友一齊去元朗Cafe拍拖，甚至目擊到二人攬腰、餵食嘢等，網民狠批她為上節目狠飛其男友等等，陳星妤就透露節目組有向女神們確認是否單身：「係有Fact check，拍之前都會問，之前一開始見又會問吓，都唔會想隱瞞任何嘢。我覺得拍呢個節目好難隱藏，就算你真係有男朋友，對個男仔都唔公平，同埋辛苦，我覺得要收收埋埋，俾人發現嘅後果仲衰過你想節目上多啲人認識，個效果反而唔係咁化算，我覺得冇乜必要唔係單身都扮單身。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|