2013年12月12日 星期四

[壹週刊 1240] 純情破產 馬賽《巾幗 3》被刪戲 馬賽,M1,




鏡頭後:笑笑口

馬賽接受訪問時,喊咁口話已經反省過,同汪子琦亦一刀兩斷,但其實佢心情不知幾咁好,同阿媽以及經理人去九展做訪問,馬賽全程咪咪笑,好淡定。

同你吟一吟

純情破產 馬賽《巾幗 3》被刪戲

盛傳貪咗內地有米女製片汪子琦至少 200萬嘅馬賽,上個禮拜五(十二月六日)接受《東張西望》專訪,聲淚俱下話自己上咗個「成長嘅 lesson」,相信以後做乜嘢都會更勇敢同成熟,但喊嚟喊去都冇解釋有冇呃汪子琦錢,一味想用眼淚搏天下同情,等自己有機會響幕前翻身。

做訪問七情上面,但馬賽錄映之前,心情不知幾咁舒暢,笑笑口同媽咪以及經理人,歎杯咖啡先埋位。睇嚟披住兔皮嘅馬賽,諗住做完訪問就可以冇事,點知汪子琦前女友 Laura發功,以大婆身份鬧馬賽搶人男友冇人格,點睇都唔似抑鬱想自殺,仲話佢係出嚟撈嘅女人。

隨時翻身無望,無綫難得聽從民意,據聞馬賽做第二女主角嘅《巾幗梟雄 3》,戲份會被大量刪減,事關佢戲中飾演純情格格,男主角黎耀祥更我見猶憐鍾意咗佢。

雖然話如有雷同,實屬巧合,但已經純情破產嘅馬賽,除非將來走狐狸精路線,否則想出嚟撈幕前,難!

鏡頭前:喊咁口

因為拍《神探高倫布》劣評如潮,馬賽響《巾幗梟雄 3》嘅戲份已經冇咗截,家陣仲做埋狐狸精,唯有 cut完再 cut,由第二女主角變成大配角。

被大婆 Laura數臭,另一邊廂,佢有中學同學網上爆料,話佢當年使橫手搶校花男友,爭仔一早有前科。

同汪子琦外遊一個月歎世界,有傳馬賽因為太大貪,想要汪子琦間二千萬豪宅,最終露出狐狸尾巴,不過聽聞佢已經貪咗汪子琦起碼二百萬。



鍾意就快D Share啦!
Related Posts Plugin for WordPress, Blogger...