2013年12月12日 星期四

[壹週刊 1240] 周慧敏打的打尖 周慧敏,M1,






周慧敏原本喺怡東酒店門口排隊等的士,見人多車少,精靈嘅佢於是轉個彎,行出馬路口截。

同你吟一吟

周慧敏打的打尖

成日話唔好以貌取人,講就得,千祈咪信,呢個宇宙,做貓做狗都要靚,先至人見人愛。樣好有著數,眼下活生生實例,由熟透玉女周慧敏擔綱演出。

早排《壹》仔喺銅鑼灣見到周姑娘一個人喺名店坊 window shopping,行到六點幾天都黑埋,先走去怡東酒店門口等的士返屋企,條龍唔算長,但等咗好耐都冇車,周姑娘人急智生,行出去告士打道等,企咗冇耐,就有架的士停喺佢面前落客,成功打尖!

話時話,去得嗰個位嘅的士,十架十架會轉入怡東門口停,但因為佢係周慧敏,的士入面個乘客唔介意自己行多幾步,仲紳士到幫周姑娘閂車門。八珍絕對相信,並非隨便一個人會有此禮遇!

見到周慧敏等的士,的士乘客識做提早落車,幫手閂門再揮手拜拜,成功搏得玉女一笑。



鍾意就快D Share啦!
Related Posts Plugin for WordPress, Blogger...