2013年12月11日 星期三

[FACE 342] 宜家齋行 阿佘冇理路姆西 阿佘,佘詩曼,熱門,路姆西,MF,




週日( 8日)傍晚,孤清阿佘一個人行宜家,其間不斷傾電話,連經過近排 hit爆香港嘅路姆西( Lufsig)野狼毛公仔都唔得閒理。路姆西因為最近社民連成員用嚟怒掟梁振英而一擲成名,但阿佘見到佢都係掂行掂過,出名警覺性高嘅阿佘,之後見到 FBI影相,即走入去停車場攞車。

FBI

宜家齋行 阿佘冇理路姆西

最近,有傳鄭嘉穎同佘詩曼一對舊相好復合,事關上月 TVB搞巡禮, 2人全無避忌以情侶檔姿態繑曬手現身, sweet到痹。但當 FBI以為嘉穎同阿佘有機會黐番埋時,點知嘉穎最近開咪講:「我只可以再講一次,我哋𠵱家冇復合,仲係朋友,平時會聯絡。」

嘉穎講到咁絕,阿佘都好難同佢翻撻。復合無望,未使開工嘅阿佘惟有搵狗陪。週日( 8日)傍晚時分, FBI喺銅鑼灣撞到佢將愛犬私藏落金色寵物手挽袋行街。當晚,阿佘先上去位於栢寧酒店一樓嘅 Homeless家品店睇裝飾物,之後就走落地窖嘅宜家傢俬睇家具,其間 FBI見佢用手機影低傢俬後,即時傳相畀人過目,之後仲成日細細聲同對方玩語音!不過,阿佘掛住傾電話,連行過最近喺網上洗曬版嘅宜家毛公仔「路姆西」,都唔得閒理,話曬路姆西最近賣到斷市,聽講宜家要急急返貨,唔買都睇嚇吖嘛!

眨嚇眼,富貴阿佘已經 38歲,兩年後就到 40,早啲搵番個男友,咪唔使搵狗陪 shopping咁孤清囉!

上月 TVB搞節目巡禮曬冷,阿佘同舊愛鄭嘉穎竟然冇左閃右避,仲繑住手出場任影,唔怪得被人誤會佢哋復合,不過之後嘉穎都澄清唔會復合,表面上阿佘仲係單身。

搵狗陪

去宜家之前,阿佘就一個人孭住個金色寵物袋去銅鑼灣行 Homeless家品店,睇真啲原來阿佘個金色袋裏面暗藏住一隻疑似魔天使犬,原來一向養開貓嘅阿佘靜靜雞養埋狗。

阿佘唔係齋行冇幫襯,最後喺 Homeless買咗兩支沐浴乳返屋企。

行完 Homeless唔夠喉,之後就走落同一幢大廈嘅地窖宜家傢俬再行過,其間阿佘不斷用語音同朋友傾偈。

阿佘一向養開貓,得閒仲會將寶貝貓 po上微博。

最近黃日華同老婆梁潔華結婚 25周年,阿佘即喺微博祝福佢哋,仲話兩個都好有型,睇得出好羨慕身邊人一雙一對。



鍾意就快D Share啦!
Related Posts Plugin for WordPress, Blogger...