掃呢頁CODE去手機

2013年12月11日 星期三

[FACE 342] 女婿考牌 嫌將軍澳酒店 cheap 吳克羣搬竇襯超蓮 超蓮,何超蓮,MF,




8/12  01:30

記者入餐廳欲拍二人合照,超蓮反應大到企起身黑面,呢個時候多得身經百戰嘅吳克羣出手拉住女友,聽曬男友話嘅超蓮即刻企定定同男友大方任影。

真面目

女婿考牌 嫌將軍澳酒店 cheap 吳克羣搬竇襯超蓮

自 11年 8月超蓮空運到台灣暗會台星吳克羣被踢爆後,二人愈愛愈公開,月初吳克羣為宣傳自家時裝店開張,不惜自爆超蓮曾坐佢電單車尾在台遊山玩水,仲秘密見過賭王。

既然戀情明朗化,上週六( 7日)三太陳婉珍以東華主席為名,攞正牌請未來女婿來港獻唱籌款,騷後呢對小情侶更相約食宵夜。為見多超蓮幾面,吳克羣放棄大會原先安排、位於將軍澳的香港九龍東皇冠假日酒店,自掏腰包入住尖沙咀美麗華酒店( The Mira)。不過為氹女友使多 8千 5蚊租一晚套房,以今時今日嘅吳克羣又點會放在眼內?

其他影片
三太狂讚克羣

上週六( 7日),應屆東華三院主席、賭王三太陳婉珍就以慈善為名,專登由台灣請女兒超蓮男友吳克羣來港表演,更有傳三太出動私人飛機,好讓當日有工作在身的吳克羣能準時趕到現場。

當晚超蓮先獻唱一首〈 Smile〉,之後便埋位坐定定等睇吳克羣表演。據知二人因電視台人太多,未有約在化妝間見面,反而超蓮就有同死檔 G.E.M.在後台密密斟,不過細心的超蓮查實早已約好吳克羣食宵夜。

當晚吳克羣被安排先唱首本名曲〈為你寫詩〉,再加強項打籃球射籃籌款,型英帥集一身,全晚焦點明顯落在吳克羣身上。事後三太陳婉珍和吳克羣亦大方合照,三太更公開大讚吳克羣:「幾好吖!」

籃球射到一半,超蓮先行離開電視台到尖沙咀山林道興記避風塘為宵夜張羅,其間仲到便利店買定薯片頂肚餓。同時間,吳克羣射完籃即與助手坐車到尖沙咀美麗華酒店上房換衫。約淩晨一點十五分,吳克羣便服會合已在興記等緊的超蓮。男友專程來港撐媽咪,為答謝對方超蓮點盡靚餸,有炒蟹和椒鹽瀨尿蝦等美食。二人食到淩晨三點多便前後腳離開,先落樓的超蓮被問到點解趕住走時說:「食飯,冇乜嘢……走㗎啦!」遲 3分鐘落樓的吳克羣就心情大靚話:「好好味!」二人隨即各自返家、酒店休息。

01:00

吳克羣表演完《東華》,坐《東華》保母車到自費嘅美麗華酒店。

雖然香港九龍東皇冠假日酒店嘅套房最平都要約 8千蚊一晚,只係比 The Mira 8千 5百蚊一晚平少少,不過將軍澳離超蓮位於布力徑的大宅太遠,為討好皇帝女友,惟有臨時轉酒店啦!

03:07

影完合照,二人又係都要前後腳離開興記。對咗成晚,超蓮心情大好咁笑曬離開,之前影合照都係咁好笑容咪好囉!

03:10

被問到係咪公開關係,吳克羣笑而不答,但問到佢啲蟹好唔好食,佢就即刻高舉拇指話「好好味」,賣廣告咩?

臨時轉酒店

據知大會原安排吳克羣入住位於將軍澳的香港九龍東皇冠假日酒店套房,但將軍澳始終唔方便,加上要跟女友在尖沙咀宵夜,故吳克羣最後選擇自費都要住返尖沙咀。「大會方面係有提過安排私人飛機畀克羣,不過克羣向來樣樣都要靠自己,佢嗰日( 7日)就算幾趕都堅持要坐番民航機。大會其實一早都通知咗克羣會住將軍澳嗰間皇冠假日酒店,原意係想佢表演完可以快啲返房休息,最終佢話想住尖沙咀,房都係嗰日至 book嘅!」吳克羣身邊人說。

雖然家姐超雲同陳山聰冇好結果,但超蓮同吳克羣就由頭襯到腳,唔怪得賭王同三太都放心啦!

獻唱過關

三太大方同吳克羣影相,仲讚佢「幾好!」不枉吳克羣喺台灣完成手頭工作後立刻趕飛機來港獻唱撐未來外母。

著住 Dior晚裝嘅超蓮當晚以英文同國語唱〈 Smile〉,事後吳克羣喺訪問中仲讚佢有唱歌天分,氹死女友。

吳克羣表演時,超蓮真係一步都冇行開,睇到男友實一實。

超蓮喺英國返新工之前,曾經抽空到台灣同吳克羣行街睇戲,認真寃氣。

入廚落水撐三太

三太陳婉珍今年升任東華主席,作為仔女嘅梗要出一分力。除咗超蓮同吳克羣情侶檔前後獻唱,向來都鍾意整嘢食嘅超雲今次表演整餅,而且佢都算整得有板有眼,咁就證明到自己唔單止出得廳堂,仲入得廚房。

而細佬猷啟就表演水上踩單車,雖然第三次至成功過到對面,不過都為咁多年嚟都冇乜新意嘅東華騷帶嚟娛樂性嘅。

電視圖片

電視圖片



鍾意就快D Share啦!