掃呢頁CODE去手機

2013年12月11日 星期三

[FACE 342] 阿媽親 幫四太搞生意 超盈愛兒分手 4個月 超盈,MF,




愛兒同超盈上週六結伴到西九 BLOHK Party,不過 Party開始後就各有各玩,超盈去搵家姐超儀。

真面目

阿媽親 幫四太搞生意 超盈愛兒分手 4個月

超蓮同吳克羣兩年情愈戀愈高調,另一邊廂,四房家姐超盈就冇咁開心喇!

上週六( 7日),群星都撐嘅西九 BLOHK Party,超盈與同性密友林愛兒雖然孖住到場,不過本刊就收到消息,超盈其實四個月前已經同愛兒分手。由攣變直再攣又拗番直,超盈正式告別過去,重得四太歡心,仲拍心口專心搞起在中環興建中的新酒店!

一入場,林愛兒就撇甩舊愛超盈,拖實長髮新歡玩到完場。

24歲何超盈飛甩林愛兒、港大正式畢業、更積極幫四太打理生意,真正生性賀爸爸賭王 92歲生日。

過去式

去年底撻著後,超盈不顧四太反對搬去林家大宅,與林愛兒半同居。不過相戀年多,八月已經和平分手。

洗心革面

9月,四太簽約在澳門興建 Palazzo Versace,據悉未來四太將在香港繼續開酒店。美聯社圖片

上週六的 BLOHK Party,娛樂圈名人圈人人撐場,不少更被拍到又煙又酒拖男帶女,惟獨超盈到場和散場一樣清醒,連陪伴到場的「密友」林愛兒都只是煙幕一場。據知情人士透露,自從去年回港與愛兒撻著半同居,四太一直對超盈再度變攣大失所望。

超盈同林愛兒愛得快、散得亦快,今年八月兩人和平分手,愛兒更火速覓得新歡。始終年紀相若、亦是同一朋友圈子,超盈同愛兒再見亦是朋友,仍然結伴耍樂,不過在派對現場,當著記者面前結伴入場後,愛兒便全力招呼新歡,把超盈拋在腦後。

據悉與愛兒分手後,超盈火速搬回四太豪宅,做回乖乖女,加上上月在港大正式畢業,總算重得四太愛錫和信任,打算安排工作讓超盈有所寄託,第一步就是加入四太開酒店計劃,據聞新酒店已於中環興建中,喜歡設計的超盈,正籌備酒店內的房間裝飾。有工返,真係一天都光曬!

鬼祟 Twins

西九 BLOHK吸引大半娛圈蒲精到場,不過有人高調有人鬼祟,阿徐、 Yumiko擺相上網、吳彥祖同老婆帶埋半歲女,相反樂基兒同 DaDa就驚死俾人知,玩得唔盡興。

黑超 DaDa

又退出又復出、解約不成再同施念慈和好開道歉記招,玩完場大龍鳳正式復工後, DaDa連出街玩都收斂好多,戴曬黑超鬼鬼祟祟。收收埋埋,點會盡興?

食麵 Gaile

同黎明離婚後, Gaile一直外遊同新西蘭新歡 Cuz愛得低調,今次回港玩樂, Gaile入場避開記者、聽歌亦避開圈中人,不過白咗又瘦咗大受老外歡迎,搞到名花有主嘅 Gaile醫肚食麵都要收收埋埋。



鍾意就快D Share啦!