上週上映嘅《四大名捕Ⅱ》，故事一開始講城郊命案發生，四大名捕前往現場緝兇，再引出 15年前殺害「無情」（劉亦菲飾演）全家嘅慘案。飾演「鐵手」嘅鄒兆龍打得眾所周知，估唔到連新加入嘅鄭中基喺戲入面都要打到飛天。
FBI
鄭中基吊足七個月
電影《四大名捕》第 1集喺大陸收過億，今年食住嗰勢出續集，仲玩埋「 3D」，除咗有 34D柳岩出浴戲外，今集仲加咗鄭中基。
自從喺《低俗戲劇》「暴龍哥」一角彈起後，鄭中基喺內地密密搵人仔。呢套《四大名捕Ⅱ》角色除咗搞笑外，鄭中基打戲都唔少，留喺橫店拍足七個月，仲要每日吊足 10個鐘威也，都咪話唔辛苦。不過打就有份，同戲中兩位女主角柳岩、劉亦菲嘅感情戲就冇份。蝕曬喎！
|
鍾意就快D Share啦！
|
|
|
