包冚出院
陳茵媺產後上週六（ 7日）離開醫院時精神奕奕，卻因被記者發現情急之下幾乎上錯另一傳媒車，對記者提問只回答：「 Thank you！」
真面目
托 B福 豪 B腳頭好 陳茵媺 150萬纖體復出
陳豪與陳茵媺上週誕下「小 Mo子」 Aiden，全城齊心送上祝福，一家三口令人羨慕。
而豪 B腳頭亦好到不得了，據悉陳茵媺產後復出第一炮，將再為纖體公司任代言人，修身復出價達 150萬。加埋奶粉尿片等廣告商個個爭住斟，陳豪一家三口拍廣告好搵過拍劇，離唔離開 TVB？再諗嚇先囉！
週三「小 Mo子」出世， B媽陳茵媺（ Aimee）上週六（ 7日）已出院回家休息，雖然當日偷運愛妻及乖 B Aiden失敗，但陳豪仍四萬咁口見傳媒，可知豪 B出世的確令陳家充滿喜悅。全家開心固然好，但最緊要有錢搵！豪 B亦令陳豪同 Aimee身價暴漲， Aimee佗 B時出席活動，身價已由本來 4萬跳升至 20萬，乘囝囝 Aiden出世後，據知已有纖體商及奶粉商出價力邀她拍廣告。
修身即吸金
其中一家是仍由她任代言人的纖體美容公司水磨坊，據知當時因為未約滿的 Aimee意外懷孕，故尚欠一次該公司的宣傳活動，故此 Aimee產後復出第一炮，極有可能要「還債」；而水磨坊亦順勢請她繼續做代言人，為打動 Aimee將出價 150萬力邀復出。另外據知還有奶粉商開價 100萬請 Aimee拍廣告，若然成事， Aimee隨時同「小 Mo子」和陳豪齊齊出鏡搵錢，總之一家三口人人有市場。
母憑子貴之餘，陳豪亦想賺多啲奶粉錢。他下月將約滿 TVB，據知樂易玲和曾勵珍一早催他續約，但陳豪一直採拖字訣，只因陳豪除有意開拓內地市場外，亦自知一家受廣告商歡迎，拍廣告出活動收入和味過留港拍劇多多聲，即使留低在 TVB拍劇只為 keep人氣，但無綫經理人食水深卻令陳豪卻步。
想自組公司
據知仍死拖 TVB的陳豪，雖獲無綫開綠燈接拍監製戚其義的內地劇，打算與跟隨他多年而將離巢 TVB的經理人陳嘉莉一同自組公司接拍內地劇兼搶 job，改為跟無綫只簽部頭約，每年只為 TVB拍劇一至兩套，大部分時間集中火力搵真銀；而老婆陳茵媺則留在 TVB，搵到錢又不失情義，筍盤果然精打細算。
星媽有價
唔少女藝人生 B都得到品牌商垂青，出動大筆酬勞邀請復出，女藝人亦願意把握這個機會，搵錢兼分享幸福湊 B樂，一家便宜兩家著。
|
鍾意就快D Share啦！
|
|
|
