熱爆娛樂: [FACE 342] 簡單任務　李欣澄 Simple 李欣澄,MF,

2013年12月11日星期三

[FACE 342] 簡單任務　李欣澄 Simple 李欣澄,MF,

Beauty Hunt

簡單任務　李欣澄 Simple

做得 Canon相機廣告女郎，「索樣」基本有保證， 22歲的 Simple Li（李欣澄） 3年前當選 Elite Model Look模特兒大賽冠軍，入行時是位中學生，現在已是大學 Year 3英文系高材生。邊返學邊兼職模特兒， Simple堅持將來轉做全職依然要讀書進修，喺模界算好難得。

憑住索樣成為 Canon相機廣告主角，之前更有機會同古天樂一齊打機，出現在 XBox體感遊戲廣告。動靜皆宜又有學識兼靚女，唔簡單喎！

Simple在大學主修英文系， 3年前因為自覺身高 175cm夠資格做 model，便去參選世界 Elite（香港區已改名 Primo）模特兒大賽，奪得冠軍而入行。入行後， Simple始終認為學業最重要，所以只以兼職模特兒身份接 job，一切讀書為重；而且她自中學時代開始，已是各人眼中的高材生。她說：「中一時中文老師話好欣賞我文筆，話肯出錢畀我出書，做當時最年輕女作家，但我好注重學業，出書要花好多心力，又唔想馬虎咁寫，所以推咗！」

Simple要同古天樂狂扭身體拍遊戲廣告，說到之後有沒有再聯絡，她尷尬又避忌地說：「嘩，點答你呀？唔知點講，喺街見過囉！」

今年 Canon因為 Simple樣子清純而揀中她拍攝新相機廣告，也是她入行 3年的第 3個 TVC。

最愛古天樂

現在雖只是兼職，卻已接了不少工作，除近期拿著相機扮攝影師的 Canon廣告，上年更與古天樂拍了一輯 XBox電視廣告，與古仔齊齊扭動身體玩 Kinect體感遊戲。

難得與萬人迷合作， Simple面紅紅地說：「古天樂好照顧新人又會講好多笑話，令氣氛好好，等我笑容可以燦爛啲。本身好鍾意佢㗎，睇過佢寫自己往事，雖然佢細個時過得好艱難，但好欣賞佢發憤向上，打出名堂，好值得我學習囉！」