城城雖然已經 48歲，但行為有愈睇愈後生趨勢，就好似上星期佢出席一聖誕活動，竟然擺出韓國偶像最愛嘅「心」形手勢， FBI有少少毛管戙。
不過甩拖後嘅佢，打邊爐依然係最愛，但二五就向 FBI爆響口，話城城最近仲忽然愛飲酒變酒鬼，仲特別鍾情飲威士忌。早前喺金馬獎完畢後，城城必到「太和殿」打邊爐，以前食完行出嚟一定好鬼精神，但今次就飲到啤啤夫，仲要人扶住先上到車。繼賭馬、打邊爐，城城又多樣新嗜好囉！
入行咁多年，城城都冇乜俾人影過「貓」樣，點知一同熊黛林分手，即變咗酒鬼。
出席完金馬獎，城城就同咗 Sammi及劉華去打邊爐，最後仲飲到醉曬先肯走。
