2014年1月1日 星期三

[FACE 345] 有市場 搶千嬅大笑姑婆位 王菀之賣醜:天生係笑話! 王菀之,楊千嬅,千嬅,MF,




扮北姑的王菀之,戲裏面夠癲夠放,除咗裝咗假哨牙,仲疑似裝假狗。

真面目

有市場 搶千嬅大笑姑婆位 王菀之賣醜:天生係笑話!

10年,王菀之因失聲推拍《志明與春嬌》,頂替的楊千嬅拍埋續集兼做埋影後。

失咗《春嬌》贏番《老表》,終於王菀之憑惹笑演技令吳君如點名拍《金雞 SSS》,做北姑兼要哨牙醜化都冇問題,搏!

唔怪得彭浩翔再翻兜搵王菀之開戲,不過,都係離唔開個醜字,做醜婆上位,王菀之笑住咁話︰「我天生就係笑話!」

14年未到,王菀之已經落實接拍 3套電影,除了跟鄭伊健一套,另外兩套都是喜劇,點玩點醜都唔介意,王菀之話一定要爆!

14年 34歲王菀之必爆,農曆新年先上《金雞 SSS》, 5月開演唱會,之後再拍《老表》續集,仲有幾個劇本在手,據聞落實有彭浩翔和王晶。

床戰鄭中基

《老表》捧紅一眾諧星,細細粒、陳明恩長做長有,放低歌手包袱飾演晴晴的王菀之,先被君如點名接棒做金雞。首次拍電影,王菀之由客串變主角,戲分愈加愈多,造型亦愈變愈醜,仲有一場與鄭中基的床上戲,王菀之要叫到鬼鍊咁聲,她說︰「我只可以講,今次係最性感、最激嘅一次。」

《金雞 SSS》之後,據知王菀之已為另一套電影秘密開工,升呢做女主角,仲會夥拍鄭伊健;而今年已落實的還有兩套,包括彭浩翔和王晶的新戲,兩片都是搞笑喜劇,王菀之說︰「的確係有幾套劇本,但公司傾緊唔講得住。」

王菀之拋開歌手形象演北姑,獲吳君如大讚演技,更愈加愈多戲。咁多女埋身王菀之企後排,鵬哥真識食。

《老表》將開拍續集《老表,你好 Hea!》,戲中演員原班人馬,個個唔介意醜,王菀之假假哋都提名過視後, 14年真再拍續集,真係大豐收。

有傳推拍《志明與春嬌》,是因為戲中有大量吸煙和粗口戲分,但王菀之否認,但若然當日王菀之演春嬌,又可有千嬅煲煙煲得咁自然呢?

「唔會 set定底線」

3年前,王菀之本來接拍《志明與春嬌》,但當時突然失聲,所有工作都要推掉醫聲帶,事後王菀之表示無悔推拍,因為聲帶對她來說很重要。

結果,楊千嬅因《志明與春嬌》續集《春嬌與志明》獲得金像獎影後;今年彭浩翔翻兜王菀之,新片繼續搞笑、繼續被醜化,王菀之就好大方賣醜︰「我天生就係笑話,無所謂、唔介意,我以前講過就算他日接拍第一部電影,都唔會 set定底線。」

5月再開紅館,王菀之最近跳舞減肥,都算有曲線㗎,仲話要練到有倒三角添!

網上圖片

何韻詩殺出爭獎

今年商台《叱吒頒獎禮》可算是大執位,除了男、女歌手金獎陳奕迅和容祖兒外,「叱吒十大」都有驚喜,兩位《巨聲》幫許廷鏗和馮允謙入圍。而「我最喜愛男、女歌手」,去年憑〈留白〉掃獎的王菀之竟五強不入,原本不出席的何韻詩又殺入五強,據知何詩將會現身頒獎禮,祖兒年年出聲恨拎「我最喜愛」,阿詩似乎唔讓路喎!

《蘋果日報》圖片

本來王菀之打入「我最喜愛女歌手」五強,但忽然殺出何韻詩,上週四在新城頒獎禮慶功,問王菀之知唔知五強名單,她說︰「唔知喎!(你冇投自己票咩?)我唔會做呢啲嘢嘅。」

今年未有歌打入「叱吒十大」,但王菀之仍有望拎「叱吒」女歌手銀或銅獎。

叱吒樂壇我最喜愛女歌手五強

吳雨霏、何韻詩、容祖兒、楊千嬅、薛凱琪



鍾意就快D Share啦!
Related Posts Plugin for WordPress, Blogger...