掃呢頁CODE去手機

2014年1月1日 星期三

[FACE 345] 盛女有伴過聖誕 MF,




Bonnie  30歲

平安夜前夕( 23日), Bonnie拖住男友十指緊扣遊老銅,不過對於男友身份, Bonnie就好保密!

FBI

盛女有伴過聖誕

曾經好 hit嘅電視節目《盛女愛作戰》同《求愛大作戰》播完之後,咁多位盛女港男最後有冇上到岸亦無人跟進。不過八卦嘅 FBI又點會令大家失望,即刻同大家 update番,第一代盛女 Mandy同細佢 9年嘅《求愛》阿佳成功撻著,二人前排仲去咗同陽光玩遊戲;而另一位首代盛女 Bonnie亦都已經有著落喇!

上週一( 23日), Bonnie拖住中坑四眼新歡喺銅鑼灣出現,一身打扮雖然有啲騎呢,不過四眼男友不知幾受落,二人仲十指緊扣邊行邊傾。有拖拍心情靚靚,不過 FBI打畀 Bonnie,佢就唔多願講感情:「隔咗咁耐(節目)又會仲記得我嘅?係拍緊拖,不過唔想講喇,我想做番平凡人咋!」對於男友職業、年齡等 Bonnie一律封口。對於盛女嚟講,保護戀情確係好重要嘅。

阿佳  30歲

Mandy  39歲

除咗 Bonnie,另一盛女 Mandy剛同「博士」阿佳撻著, 2人仲一齊去東南亞旅行熱辣辣。

網上圖片

Bonnie同 Mandy都曾經喺陳志雲帶挈下,在商台開過咪做主持,事隔 2年, Bonnie一樣有開咪,不過係喺蕭若元「謎米」網台度,主持兩性節目囉!開得咪,點做平凡人呀!



鍾意就快D Share啦!