掃呢頁CODE去手機

2014年1月1日 星期三

[FACE 345] 新城屎橋玩 Eason Eason,陳奕迅,MF,




向左閃

原先企喺銳哥隔籬嘅 Eason已經醒目唔望向 Kay嗰邊, Kay亦刻意望右扮同薛凱琪吹水,避免同 Eason有眼神接觸。

FBI

新城屎橋玩 Eason

年年 Boxing Day都搞頒獎禮嘅新城,上星期四( 26日)又頒咗成 95個獎,幾乎話自己係歌手就有獎攞。

新城頒獎禮雖然皆大歡喜,但又長又悶就梗㗎啦!為咗製造話題,新城喺慶功宴又諗咗屎橋,話說當晚一到合照環節,新城台長朱明銳就點名叫 Eason同謝安琪一齊上台,不過 Eason同謝安琪點會咁易俾人陰到,醒目 Eason死都隔住個朱明銳企,之後到安仔上台, Eason仲閃到老年咁遠,人哋大大個張繼聰喺度,玩嘢行遠啲啦!

向左避

呢期好事近嘅安仔被邀上台, Eason即刻拉佢去中間位置,企遠啲好過又俾人有話柄。

到大合照,大會仲差啲叫漏咗張繼聰一齊合照,最後謝安琪老公要踎埋一二邊。

Deep認拍拖

頒獎禮現場, Deep已經好 Man咁承認咗 Sherman係佢女友而唔係好朋友,去到慶功宴記者又點會放過佢哋,嗱嗱聲影張相先啦!



鍾意就快D Share啦!