週日（ 29日）藍潔瑛一早準時於 10點出席彌撒，其間有女教友傍實，而藍潔瑛亦專心聽神父講道。
真面目
避見曾志偉 50歲藍潔瑛信主淨心
曾「靚絕五台山」的藍潔瑛近年行為怪異，最近卻於一段訪問片段中表現得有紋有路，甚至驚爆自己二十多年前曾遭兩名影圈大哥強姦，轟動娛圈。
報道出街後藍行蹤成謎，同期訓練班同學劉嘉玲曾公開表示擔憂她。而被劉形容為「入到藍潔瑛世界」嘅曾志偉就終於在北京開口話：「沒找到她！」
不過本週日，已染回一頭黑髮，看來比之前精神的藍潔瑛終於現身赤柱一教堂出席彌撒。本刊更發現已被圈中人疏遠的藍潔瑛得到神父及不少教友關心，信主得救。
眨嚇眼已經 50歲的藍潔瑛當年有「靚絕五台山」稱號，但近年有傳她未能走出《大時代》劇中悲慘角色，加上感情問題，連串打擊下行為開始怪異，直至最近有藍潔瑛接受一國語媒體訪問片流出，片段中她自爆於 20多年前，曾被兩位影壇大哥強姦，更為此曾割脈自殺。
志偉北京開口
報道出街後，藍潔瑛再度備受關注。圈中多位好友，尤其當年同屬訓練班同學的劉嘉玲公開表示：「佢情況令我都幾擔憂，希望大家伸出援手幫佢。」而被劉嘉玲形容為唯一「入到藍潔瑛世界」的曾志偉，於上星期到北京出席活動時亦開腔：「我知道這個事情，但沒找到她，沒辦法問到是什麼回事。因為她後來，她又做了另外一個訪問，說她沒冇做過這個訪問，所以我們也不敢說到底要怎樣……」
逢週日望彌撒
一班演藝人都聲稱「搵唔到」藍潔瑛，但查實藍潔瑛並冇匿埋避世，更留在香港重過新生。
因為行為怪異而被圈中人疏遠的藍潔瑛，最近終於找到溫暖。據知近半年來，居於赤柱公屋的藍潔瑛常於東頭灣道聖亞納天主堂出現。知情者說：「佢每次都係一個人嚟，初時唔出聲，後尾先開始同人傾嚇偈。佢冇異常行為出現過……信主前佢成日被街坊同鄰居投訴佢大叫，𠲖家就冇喇！」
雖然再度成為焦點，但藍潔瑛並冇停止返教會。本週日（ 29日）早上她亦如常由赤柱屋邨搭小巴到教會出席週日彌撒，並準時到達。當日所見，藍潔瑛並無異常行為，當她步入教堂後即主動跟教友打招呼。教友們亦主動跟她傾偈，更有教友貼身陪伴她崇拜。當神父講道時，藍潔瑛會細心聽，唱詩時亦會跟教友一齊唱。到了教友亙相祝福環節，藍潔瑛更主動跟身邊教友互相祝褔，跟近年行為失常時判若兩人。
早上 10時開始的彌撒大約在 11時多完結，教友們陸續離開，藍亦在教友協助下不知所終。記者一直在教堂外守候至天黑仍未見藍離開。
有教友幫助及扶持，看來藍潔瑛已走出陰霾，重新上路。
雞飛狗走
藍潔瑛當年有「靚絕五台山」稱號，身邊好友為同期訓練班的劉嘉玲及曾華倩。電影圈亦吃得開，同成龍、曾志偉亦有交情。但自從失常多年，好多好友都愛莫能助。除咗好友楊曼莉不離不棄，其他都已漸漸跟藍潔瑛疏遠。
|
鍾意就快D Share啦！
|
|
|
