[FACE 345] 狂鬧聾人報佳音 3L Fanny補鑊：唔係發自我內心 MF,

前週六（ 21日）晚，龍小菌連同 Beatbox高手 HeartGrey及一班香港聾人協進會青少年，一齊去旺角行人專用區報佳音，點知被 3L指摘「阻住搵食」，仲出言侮辱。最後小菌忍唔住喊，好彩一班聾人青年同 HeartGrey互相鼓勵， FBI支持你！

FBI

狂鬧聾人報佳音　 3L Fanny補鑊：唔係發自我內心

FBI雖然喺娛圈浸淫，但都一樣關心社會，前週六（ 21日）晚，街頭「巨聲」龍小菌聯同 10名香港聾人協進會青少年學員，仲有著名 Beatboxer HeartGrey，喺旺角行人專用區用破格 Beatbox報佳音期間，被另一隊街頭樂隊 3L出言辱駡，更有人大叫：「聾人就大曬呀？」公然欺淩。

其他影片

事後 3L雖然喺自家 facebook向聾協道歉，但主音林發上大班網台 D100死撐當時唱緊歌唔知情，網民鬧爆。週日（ 29日）， FBI趁 3L同班粉絲去大尾篤燒烤場位位收$4,160開聯誼 P時，幫班受害者討回公道。當晚最惡，自稱係 3L公關嘅 Fanny（主音林發老婆）終於公開道歉：「我承認我對唔住啲聾人，因為我真係講錯說話，當時我真係好衝動，有啲挑釁性嘅說話，唔係發自我內心。其實我喺大氣電波，又 send咗 email，亦親身拎咗兩封道歉信去聾人協會。其實我真係覺得我哋做錯咗，但說話已經出咗，唔知點樣彌補到。我真係好誠心咁樣道歉，禮拜四（ 1月 2日）我會去公開道歉。」道歉完咪繼續唱 MK博打賞囉。

3L為街頭表演樂隊，一直喺旺角行人專用區演唱，報稱 fans人數約 1千人。

週日搞燒烤聯誼， Fanny代表 3L道歉，而 Fanny老公林發一直企響音響控制棚調校結他，盡量低調。

上週四（ 26日）， 3L嘅 Fanny喺自家 facebook發聲明向香港聾人協進會及龍小菌道歉，但被網友勁寸佢哋冇誠意，咁又係，事發翌日佢先喺 fb開名話聾協表演係「噪音」，仲話保留法律追究權利，見勢色唔對先認死狗。

鍾意就快D Share啦！

下一篇 》