聖誕前夕（ 24日），王菲帶住大女童童從香港飛往北京，在此之前，李亞鵬亦剛與細女李嫣在越南旅行回港，此行王菲再會前夫商討李嫣撫養權問題。圖片
真面目
劃清界線 半年前部署離婚 趙薇義助王菲搶細女
再恩愛都係過去式。王菲、李亞鵬離婚三個月，王菲回港密謀復出，李亞鵬就留京繼續「慈善事業」，正式各行各路。又會咁啱？呢頭離婚，嗰頭李亞鵬旗下慈善基金「書院中國」就因被舉報涉斂財搞到俾北京市政府查。好彩阿菲走得快，不過亦難為撫養權被判畀李亞鵬的細女李嫣，孤女留京冇王管。據悉王菲決心劃清界線，早於離婚大半年已開始部署，除早將大女童童送到波士頓升學；最近再經已定居香港的好姊妹趙薇拍心口答應，義助托管童童和李嫣一切在港的起居生活，王菲實行埋手爭奪李嫣。
九月失驚無神在微博宣布離婚，王菲同李亞鵬的 8年婚姻突然破裂，震驚全球菲迷。對於離婚原因，夫妻倆都不願正面回應，外界更加諸多揣測，更有指李亞鵬近年的商業活動是導火線。據知情人士透露，其實簽紙前半年，王菲已經動作多多要與李亞鵬劃清界線。
為女打算
話就話婚後兩人財產一直各不相幹，據知情人士透露，名下公司多多，生意涉足文化娛樂、地產、慈善的李亞鵬，最近亦被舉報涉借慈善斂財而遭查。本來安心做李亞鵬背後女人的王菲，有指半年前已聞到勢頭不對，亦開始著手處理離婚事宜。
「近呢一年中央話要肅清打貪，上邊啲氣氛一直都好緊張，有人舉報、下一個向邊個開刀，做嘢之前點會收唔到風。亞鵬最近涉貪受查，佢都搞到好煩，好在王菲已經同佢離咗婚，當然阿菲相信老公清白啦，但既然大家再冇關係，阿菲都要為自己同兩個女著想。」
閨蜜打救
從年初（ 3月）開始部署與前夫劃清界線，王菲的每一步棋其實有跡可尋，除了農曆新年後把大女竇靖童送到波士頓升學，密密回港的王菲亦特別請經理人陳家瑛安排助手跟身處理私務。「阿菲以前去到邊都獨來獨往，從來唔使人跟到實，𠵱家佢係想做好打算，慢慢公私事都自己 take care番。」
復出樂壇有價有市隨時 ready，大女竇靖童又已經 17歲可以自立，王菲一直以來最擔心是剛滿 7歲、撫養權被判給李亞鵬的細女李嫣。「其實一直以嚟都係李嫣嫲嫲唔肯放人。阿菲呢排頻頻撲撲都係為細女啫！好彩佢搵啱趙薇幫手，趙薇身家清白、透過優才計劃攞咗香港身份證、香港北京交遊廣闊，最緊要有義氣。拍心口話兩個女幾時都可以住佢屋企，王菲至放心咋！」
17歲童童愛死女友
細女被前夫、前奶奶霸住已經夠煩，本週五就滿 17歲的大女童童一樣正值反叛期，打扮一時濃妝一時中性、密友一時同性一時異性，令媽媽王菲頭痕。唱作似媽媽一樣有天分，連敢愛敢恨個性亦遺傳母親，繼與曲婉婷傳曖昧後，再傳身邊出現同齡女友 Kelly，仲公開留言話愛到死添！
有排煩
同王菲離婚後，李亞鵬形象急轉直下，連生意都出事。 18日，內地媒體人周筱贇向北京市政府實名舉報，指李亞鵬名下的「書院中國文化發展基金會」問題多多，包括李亞鵬身兼多間公司法人、財務報告收支有出入、公益基金違規投資酒店及房地產等，搞到李亞鵬要即時開記招澄清。
|
鍾意就快D Share啦！
|
|
|
