2014年1月1日 星期三

[FACE 345] 林文龍提 TB汪扯火 TB汪,林文龍,汪子琦,MF,




我唔想再提呢個人!(真實對白)

FBI

林文龍提 TB汪扯火

港視一哥林文龍,難得老闆王維基成功借殼翻生,上週一( 23日)出席公司聖誕 party心情應該好好, FBI同佢寒暄時佢都好開心㗎,點知提起一個人佢就即刻扯曬火。

話說當日 FBI忽然醒起早排勁多新聞,搞到馬賽喊曬口道歉嘅汪子琦,係林文龍同佢老婆郭可盈前經理人,雖然當年佢哋同汪子琦反曬面,不過都事隔 4年,應該冇咁大仇口啦,點知林文龍一聽到 TB汪個名啫,對眼即刻有火:「我做咩要主動搵呢個人?(有冇睇佢最近嘅報道?)冇喎!」之後 FBI再追問林文龍當年 TB汪有冇對老婆郭可盈手多多時,林文龍終於忍唔住話:「我唔想再提呢個人!」有啲嘢,真係提一提都起火!

新仇馬賽

馬賽同汪子琦咀嘴相出街後,馬賽聲淚俱下同汪子琦割席,卻遭到汪的正印 Laura反擊話佢大話精。網上圖片

舊恨可盈

4年前汪子琦做郭可盈經理人時,仲係長髮飄飄好女性,問到林文龍當年 TB汪有冇對太太多手多腳時,林文龍即怒說:「唔想再提呢個人。」網上圖片

美棋搶鏡

HKTV講真冇乜後生姐仔,美棋 BB算係比較出名又後生嘅花旦, party當晚一身公主打扮再咇少少咪咪,已經輕易殺盡全場。

賓治穀盡

除咗美棋 BB,錢國偉女友、前味之天使「賓治」陳宛蔚都穀得好盡,可能佢慣咗 TVB啲「高貴」晚裝 look,搞到家陣 over咗囉!



鍾意就快D Share啦!
Related Posts Plugin for WordPress, Blogger...