2014年2月21日 星期五

[忽然1周 969] 《來自星星的你》催淚結局 全智賢等嫁金秀賢 金秀賢,來自星星的你,全智賢,MW,




滾熱辣

《來自星星的你》催淚結局 全智賢等嫁金秀賢

最近不少韓劇迷都中咗星星毒,一星期播兩集的《來自星星的你》,已經播到第 17集。野蠻女星的全智賢,苦戀 400年前流落凡間的外星人金秀賢。靚人、靚衫、靚景,再加上全智賢的忘我搞鬼演出,令觀眾為之瘋狂。

結局會係點?全球觀眾都想 happy ending,編劇仲度緊點收科。日前有內地 fans追到去首爾,影到金秀賢拍買戒指的戲份,預告片中全智賢又著住婚紗等嫁,催淚結局是常識吧!仲有四集就大結局,套劇咁收得,大有可能食住條水開拍續集,好咯!唔使再睇本地大台嘅「膠劇」。

其他影片
  • 星星全智賢 土豪衣著買到部寶馬
外星戀開花

32歲的全智賢與 26歲的金秀賢,被譽為全宇宙最匹配、最冇爭議性的姊弟戀。不老的外星人都敏俊與童顏女星千頌伊的愛情故事,由第一集開始已經笑中有淚。上周播出的 17集,都敏俊為守在千頌伊身邊,甘願放棄返回外星的機會。

外星人都逃不過情關,為女死、為女亡都肯制。外間傳出兩個結局版本,觀眾最想睇到當然是都敏俊能留在地球與千頌伊雙宿雙棲。有說都敏俊會失去了外星人的超能力,像普通人一樣生老病死。而另一個催淚結局是都敏俊在緊張關頭堅持留下,卻因為身體機能逐漸衰退而消失於天地間。千頌伊從此每日望天,幻想都敏俊會再坐飛船出現。

該劇編劇正為大結局頭痕,為不想全球觀眾失望,編劇偏向大團圓結局。不過點都要加插催淚劇情。日前有內地 fans飛去首爾追星,影到金秀賢在百貨公司內的飾品專櫃拍戲,劇情安排他挑選婚戒,是為了向全智賢求婚。而結局篇的預告,更有一幕全智賢穿上婚紗華麗登場。排除萬難的結婚場面,萬眾期待。

披嫁衣

網民自編結局

有追看《星星》的網民,都好肉緊大結局會係點?既然編劇都未知點收科,不如自行幻想嚇。

買戒指

富二代大義滅親

守護在千頌伊身邊十幾年的有錢仔李輝京,為救女神連命仔都可以唔要,但依然輸俾外星人。思想單純的他發現其兄李載京十惡不赦,為達到目的殺盡身邊人,更多次傷害千頌伊與都敏俊。李輝京雖已揭破其兄真面目,但仍苦口婆心勸阻對方,希望他能回頭是岸。呢個人人得而誅之的大佬,堅持要千頌伊與都敏俊做陪葬,最後當然惡有惡報,死有餘辜。

同牀共枕

距離都敏俊返外星的日子只剩一個月,都敏俊對千頌伊的感情愈來愈深,雖然已經發展到同牀共枕,但卻不能有肌膚之親,好 pure!

劇中 C&S集團的富二代,壞事做盡的大少李載京,有個善良細佬李輝京。兄弟二人本來感情要好,但眼見大佬死到臨頭仍不知悔改,李輝京最後都大義滅親。

喪失超能力

都敏俊唔止高大靚仔,身家數以億計,仲有不死身,識得瞬間轉移、時間停頓、千里眼與順風耳,十兄弟加埋都唔夠佢勁。千頌伊有呢個保鑣外星男友,命長久。不過都敏俊自從遇上千頌伊,為保護對方使用超能力的次數愈來愈頻密,受傷流血事件亦愈來愈多,同時身體機能日漸衰退。他不時會覺得凍,超能力偶爾會失靈。自知返回外星才能繼續生存的都敏俊,但捨不得千頌伊,實在是進退維穀。

能量草

每當都敏俊的超能力失靈,家中種植的草便會枯萎,當超能力回復,草便回復正常。

為愛露餡

都敏俊擁有不死的超能力,為咗保護千頌伊,多次與奸到出汁的富二代李載京正面交鋒,為恐嚇他不惜使出超能力,其中一幕他在半空飄浮,與對方講數。

5大激吻回味位

來自星星的都敏俊,外星人構造是不可以接觸人類的體液(如口水), 70年代被整蠱後發燒了一星期,因此他不願與人同枱食飯。但外星人留在地球生活 400年後,會像人類般有七情六慾,因此對千頌伊產生情感,但每次接吻後,都敏俊都會發高燒不省人事,最後只好蜻蜓點水式輕吻,再激的場面當然不會發生啦!

第 5集春夢索吻 5秒

第 9集誘惑一吻 15秒

第 11集雪地濕吻 10秒

第 16集公園飛吻 14秒

第 17集女神獻吻 5秒

星迷狂搶《星星》時裝

《來自星星的你》不但令全智賢和金秀賢成為爆紅韓星,就連他們身上的服飾都成為粉絲追捧目標。

搶$9,000銀色  Jimmy Choo

在第 5集入面,都敏俊靜靜雞偷咗千頌伊對銀色 Jimmy Choo高踭鞋,最後在第 9集俾女方發現,呢對鞋即時成為所有女粉絲熱買之選。

買千頌伊唇彩

想學千頌伊有個粉嫩朱唇?咁就要跟足劇情買啱唇膏喇! YSL 105號色唇彩同 52號色唇膏,已被稱為「千頌伊唇彩」或「全智賢唇彩」,仲被瘋狂搶購一空,炒價已由$250升至$700一支。

黑白型格 ELLE

睇住千頌伊集集唔同衫似行時裝騷,服飾手袋都是大品牌,不少名牌都搵佢做代言,她手上的黑白 ELLE手袋,價值$12,000。

男神家居服

男神都敏俊在劇中集集都穿韓國品牌 System的衫,平均每件售 28萬韓圓(折約港幣 2千元),雖然價錢唔平,但品牌知名度與銷量都急升。

其他影片
  • 星星全智賢 土豪衣著買到部寶馬


鍾意就快D Share啦!
Related Posts Plugin for WordPress, Blogger...