[忽然1周 969] G.E.M.復活戰大昏迷 G.E.M.,鄧紫棋,MW,

G.E.M.喺第七回錄影時以純白長裙大露背現身，身材 fit到漏，外表加分，雖然唔再攞第一，但全場最養眼。

媽咪姐

G.E.M.復活戰大昏迷

湖南衞視《我是歌手 2》喺周四（ 20日）錄影第八回復活戰，被淘汰嘅張宇同曹格等將有機會復活。 G.E.M.喺第六回唱〈喜歡你〉破紀錄三奪冠軍後，第七回唱莫文蔚嘅〈如果沒有你〉，下跌三位，得第四名。復活戰她會再發力，選唱台灣騷靈女王順子嘅〈回家〉，挑戰自己。

不過香港前幾日得番幾度， G.E.M.中咗招患感冒，又要日以繼夜練歌同做 Demo，令向來注意健康嘅佢的起心肝，喺星期一（ 17日）晚大昏迷十二粒鐘，等自己盡快好番，進入備戰狀態。加油呀！ G.E.M.，媽咪姐撐你！

血壓低

舟車勞頓加埋唔夠瞓， G.E.M.終於喺上星期日病咗，睇醫生時上壓仲得 92，屬於低血壓，再唔休息真係「冧廠」。

佛山開騷

上星期， G.E.M.同外地樂手去佛山為其「巡唱」綵排，佢話見到舊拍檔特別興奮。

十級似

王祖藍喺湖南衞視《百變大咖秀》扮 G.E.M.唱〈存在〉笑爆嘴， G.E.M.亦喺該節目化「黑鬼妝」，扮偶像 Whitney Houston唱〈 I have nothing〉，十分神似。 G.E.M.除咗金魚嘴，扮嘢都一樣掂。

鍾意就快D Share啦！

下一篇 》