同場加映：硬食胸襲
日前，何超儀與朱千雪在深水埗拍一場鬧交戲。飾演士多老闆的臨記（左）在拉扯間向何超施胸襲 3秒之多，可憐何超避無可避。
娛樂喧
監製加重慘戲 超儀做低子珊
為幫無綫打仗，賭王千金何超儀紆尊降貴扮跛腳演監躉拍新劇《再戰明天》。千金拍劇，據知她要求每日只開工六粒鐘，更要求監製林志華加重自己慘戲，誓要戲份多過另一女角徐子珊。得悉被減戲的徐子珊，即使向監製扭計，仍難逃燉做阿二的命運。
日前，何超儀現身深水埗拍外景，在拍攝一場與朱千雪及臨時演員的拉扯戲時，混亂間她被臨記觸胸。向來躁爆的她，返回 TVB外景車換衫時，即破口爆粗：「[!81BE]，佢係咪有心㗎？」怒火中燒！
何家千金超儀向來拍戲都搏到盡， 04年她拍三級片《豪情》大騷口技飾演「趙啷啷」一角，令人拍案叫絕，她因而勇奪金像獎「最佳女配角」。早前她再接《豪情 3D》，為配合過氣「小姐」角色增肥 20磅扮老雞，聽落都辛酸。
臨記觸胸三秒
開電影的何超今次接演無綫新劇《再戰明天》，明顯「降呢」都肯拍，全因監躉角色吸引。劇中她因被姦而誤殺遭判坐監，在獄中遭人打跛腳。因丈夫拋妻棄子，何超出冊後更要靠倒垃圾、洗碗及幫人腳底按摩維生，要幾坎坷都有。
日前何超、朱千雪及王浩信到深水埗拍外景。當日劇情講述飾演何超男友的王浩信，因走失了何的兒子，她當街發癲，要由任職懲教署主任的朱千雪及附近一士多老闆出手勸阻。在混亂之際，記者目睹飾演士多老闆的特約演員，在拉扯間，手觸何超右胸長達三秒。記者雖然見何超面色一沉，但礙於仍在拍攝中，何超繼續七情上面演戲，但右手本能地舉起格開。
據知，當日在現場的監製林志華及一眾場務都目睹這一幕，但見當事人未有出聲，所以才未 cut機。直至拍了五 take後才收工。事後有現場人士爆料，何超返回 TVB外景車換衫時破口大罵：「 X！佢係咪有心㗎？」但該臨記早已收工離開現場，兩人無法對質。
每集酬勞三千
何超為拍《再》劇雖然犧牲大，但她只象徵式每集收取 3千酬勞，遠比其他一線花旦少得多。何超收得平，但待遇卻明顯高人一等。據知她在簽約時已向監製講明要同時兼顧拍電影，所以規定每日拍六粒鐘，比當年靚靚袁詠儀復出拍《富貴門》，只拍八粒鐘更矜貴。除此之外，她更傾掂監製暗加戲給自己，務求戲份多過另一女角徐子珊。知情人續說：「 Josie（何超儀）明知呢套係 TVB劇，就算自己幾重戲，頂多同徐子珊差唔多。開工頭兩日，佢就同阿 Lam（監製林志華）講，話徐子珊嚟嚟去去得一個 O嘴表情，要監製加重自己戲。」
據知林志華最初怕得失徐子珊，未敢應承何超儀，但何坦言若角色冇發揮便不會接拍。在權衡輕重下，林志華表面上公布何超儀與徐子珊為雙女角，但暗地裏卻左改右改大幅刪減徐子珊的戲份。劇集已開工半個月，據知挑通眼眉的徐子珊已隱約覺得唔對路，即時向林志華詐型。知情人續說：「子珊最初睇劇本，主線落喺佢同吳啓華嘅感情戲上。但佢發現由開拍到依家，每日拍嘅場口，加咗好多 Josie嘅監躉戲，反而自己同吳啓華嘅感情戲就輕輕帶過。子珊問監製搞乜？監製就話想拍曬監倉戲先到感情戲，所以先會有咁大改動，實行𠱁住佢先。」
對於要求特定工時開工，何超直認不諱：「係有要求過，要睇劇組點遷就。（演呢個角色需要咁大犧牲都肯？）呢個角色係人都想演啦，角色太搶太感人喇，推動我一定要演。（成套劇最搶係你？）個角色極度坎坷，實搶啦！」
|
鍾意就快D Share啦！
|
|
|
