全城熱爆的娛樂八封新聞 & 時事趣聞 & 生活 + 趣聞
蘇玉華同潘燦良拍拖行街街，兩人有商有量，幸福滿瀉。
作為好戲之人嘅蘇玉華，近來已經好少拍劇。睇番阿蘇近年所拍過嘅劇集，除咗啱啱播完冇耐嘅《 On Call II》之外，再對上一套已經係 09年嘅事。點解會咁嘅？事關阿蘇有個做舞台劇嘅男友潘燦良，所以咪一齊專注舞台劇囉。
其實阿蘇同潘燦良已經拍拖多年，好老夫老妻 feel，呢日我哋又見到佢哋兩個連體嬰去行街。大家知唔知男女拍拖最驚咩？咪就係 shopping囉。阿蘇血拼時，男友戇居居隨時 stand by。不過女友睇完，就到男方睇嘞。而阿蘇就……惟有自己一個人猛篤電話囉。
男友 shopping shop得興起，左試試、右試試，好開心，阿蘇好有耐性，企埋一邊篤電話。
shopping可能會悶親對方，但捱過之後，咪可以繼續 sweet sweet囉！
