全城熱爆的娛樂八封新聞 & 時事趣聞 & 生活 + 趣聞
睇得出華嫂好尊重華哥，事關買個食物盒啫，都徵詢過華哥意見。
視 7月 1號宣布開台，元華終於有得開工喇。咁套劇叫咩名？咪叫《惡毒老人同盟》囉。
趁住未開工，媽咪姐就見到元華拖住華嫂齊齊 shopping。雖然係老夫老妻，但無論係買食物盒，抑或係清潔用品，華哥都俾意見。華嫂一話唔記得買橙，華哥仲即刻飛撲去買。步速之飛快，動作之利落，果然食過夜粥呀。
華嫂睇中物品架底層件貨，係咁意手指一指，華哥即𠌥身去攞，唔使華嫂操勞。
華哥雖然已經兩手捧住幾個橙，但仍然想再揀！
