全城熱爆的娛樂八封新聞 & 時事趣聞 & 生活 + 趣聞
阿田真係算係咁，拍緊劇都趕去捧老闆娘場。佢一去到就話：「係咪好興奮呢？有古裝人嚟賀你！」
36歲嘅田蕊妮呢一年真係行運一條龍！除咗砌低嘉欣 BB攞視後，仲因為隨口唱幾句〈愛沒那麼簡單〉，俾老公杜汶澤拍片放上網，咁就令 Paco黃栢高簽佢做歌手，圓咗 20年前嘅歌星夢。
Well，但仲差咁啲嘢！咪就係少咗個 B囉。周一（ 17日）拍緊劇嘅阿田，著住古裝都趕去鉅記嘅周年晚宴，仲同老闆娘傾到鬼咁興奮。不過，佢最開心嘅，係見到老闆娘個仔喎！踎低歡迎不特止，仲望到眼都唔眨，猛撩太子爺傾偈。唔好等嘞，視後，「嗱嗱聲」捉住阿澤生番個啦。
太子爺怕怕醜醜，唔多肯見人。但阿田好有耐性，踎低起身係咁𠱁，終於𠱁到太子爺回頭一笑。
