熱爆娛樂: [忽然1周 969] 楊愛瑾徐子淇　兩種情人節徐子淇,楊愛瑾,MW,

2014年2月21日星期五

郭永淳發現媽咪姐後，表現愕然，後來仲撇低女友，自己先行離開。

上星期五係情人節，媽咪姐喺中環行街，見到徐子淇及楊愛瑾分別準備同情人燭光晚餐。楊愛瑾喺情人節生日，當日佢同男友、永安太子爺郭永淳行超市，兩個喺超市不時左望右望，十分小心，仲好快買咗少少凍肉就走人。不過去到收銀處，郭永淳發現媽咪姐，佢二話不說立刻鬆人，留低楊愛瑾自己一個搭小巴返愛巢，認真慘情。

楊愛瑾同郭永淳買咗一件西班牙黑毛豬同澳洲肉眼扒，連埋其他食物，都係一千蚊有找。

男友極速鬆人，楊愛瑾只好一個人搭小巴走。佢等小巴都等咗十分鐘左右，都咪話唔慘。

同日晚上，媽咪姐喺四季酒店樓下撞到徐子淇。原來佢約咗老公李家誠喺六樓食法國餐。雖然子淇有三個保鑣護身，不過見到媽咪姐都好客氣，仲派利是俾媽咪姐㖭。徐子淇同楊愛瑾都係同富二代談戀愛，一個愛得大方、一個愛得閃縮，唔使講，都知邊個開心啲啦。

雖然有保鑣跟身（左），但徐子淇好醒目，老遠已經見到媽咪姐，仲笑曬派利是，幸福到呢！

媽咪姐跟埋入𨋢，徐子淇一面詐嬌一面話：「你唔好影啦！」而保鑣就盡量遮掩鏡頭。

除咗徐子淇，媽咪姐當晚仲見到天後李玟同丈夫 Bruce到四季酒店撐枱腳，過一個又浪漫又豪氣嘅情人節。

鍾意就快D Share啦！