全城熱爆的娛樂八封新聞 & 時事趣聞 & 生活 + 趣聞
睇王馨平面圓圓（中），李樂詩（右）亦有肉地，就知幸福呢樣嘢，真係有樣睇。細路女 Gin Lee要識揀嘞。
上星期，王馨平（ Linda）同李樂詩、 Gin Lee喺會展開慈善騷，兩位嫁咗人嘅靚太性感登場，低胸又露腿，老公都無詐型，仲全力支持佢哋擇日再唱！
咁啱近排同為寶記小花嘅黎瑞恩鬧離婚，王馨平仲俾記者猛追問，但佢只係話：「為咗保護好朋友，其他嘢都唔講嘞，只可以講，做朋友係講心，我哋經常約去唱 K㗎！」媽咪姐就只想講，嫁入豪門有時真係把鬼，好似王馨平同李樂詩咁，搵個愛錫、支持自己嘅老公先最 happy呀。
大劉女友呂麗君都有出席慈善騷支持。
李樂詩同音樂人 Ted Lee婚後生咗兩個寶貝仔。呢晚李太大曬佢哋嘅肉照，肥嘟嘟， cute到不得了呀！
