網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月27日 星期四

[壹週刊 1251] 車婉婉背後唱姊妹 黎瑞恩割席決裂 車婉婉,黎瑞恩,M1,




十多年前黎瑞恩同車婉婉在麻雀枱建交,從此變成好姊妹,經常孖住出席大小場合,又同是藝人高爾夫球會( AGA)會員。可惜此情不再。

探熱針

車婉婉背後唱姊妹 黎瑞恩割席決裂

上月被本刊踢爆 40歲的黎瑞恩,因無法再忍受老公金利來三少曾智明、兩年前搭上內地女子,長期置家庭及一對子女不顧,決定結束十一年夫婦關係,並於數月前轉投與妻分居多年的免稅店大王鄭應南懷抱。

婚變新戀情連環揭發,一波未平一波又起。近日黎瑞恩在微博呻遭好友背後放毒箭,有指此「好友」正是早前公開表明跟黎瑞恩冇來往的「好姊妹」車婉婉。

據了解,車婉婉去年曾在背後唱衰好姊妹,黎瑞恩獲悉後十分傷心,從此關係決裂。

唱衰新戀情

本週日(二月二十三日),黎瑞恩忽然在微博訴心聲,直指遭一名相交多年的朋友背後放毒箭,令她非常失望。

「做朋友做咗接近十七年,今日終於睇清楚你喺我心目中,朋友嘅定義。你有事我第一時間兩脇插刀,但係換嚟嘅係落井下石,黃蜂尾後針。你傷咗人,亦同時失去一個曾經為你赴湯蹈火嘅朋友。」

黎瑞恩所指,據悉是由麻雀腳變成好姊妹,多年來經常孖公仔出現的車婉婉。

黎瑞恩爆婚變後再傳跟「免稅店大王」鄭應南相戀數月,在這段非常時期,車婉婉不單沒有出言維護半句,反而公開「割席」,聲稱跟對方無來往,也不在乎她瞅睬與否。

與此同時,有指二人交惡原因,是車婉婉不值黎瑞恩與密友的關係,曾向姊妹好言相勸,結果好心做壞事,反臉收場。

但近日在高爾夫球圈子卻傳出另一版本。指十七年姊妹情一朝決裂,真正原因並非好言相勸多事惹禍,而是有人背後唱衰姊妹,義氣錯付的黎瑞恩才會用上「黃蜂尾後針」的形容。

「阿恩一直當阿車係姊妹,完全信任佢,乜嘢秘密都同佢講。但佢估唔到同 Antares(鄭應男)一齊之後,阿車會周圍唱佢!起初阿恩都唔明點解,有啲佢同阿車嘅共同朋友會忽然疏遠自己,到後來阿車唱佢嘅事傳返去阿恩耳仔,佢先知俾人『落毒』。

「阿恩好嬲好傷心,打電話質問又鬧爆阿車;點知阿車態度好寸,阿恩就同佢割席。雖然冇朋友做,但阿恩冇同人講;過年嗰排小慧吹雞搞麻雀大賽,小慧都唔知阿恩唔嚟原來係同阿車反咗面。直至上星期阿車走出嚟講同阿恩冇來往,成班朋友問番阿恩先知咩事。」一名波友爆。

去年底車婉婉跟外籍老公在泰國行婚禮,好姊妹黎瑞恩卻缺席她的人生大事!有指當時二人已經割席。

準備出碟的車婉婉日前公開承認同黎瑞恩已不相往來,黎瑞恩亦在微博呻對某位朋友赴湯蹈火,卻換來以怨報德。

上週才得悉「恩婉決裂」的劉小慧同湯寶如,日前即聯同黎瑞恩出埠散心。在湯寶如微博發現四條 Queen到陽光與海灘地方度假。

缺席雀局

據悉農曆新年期間,劉小慧吹雞開枱,當時未知「恩婉」反面的她,還以為黎瑞恩只為婚變避席。

當年黎瑞恩出嫁,車婉婉同羅敏莊均是姊妹團成員。而羅敏莊回應二人決裂傳聞時只撐黎瑞恩。

借出八十萬應急

相交十七年,據悉黎瑞恩對車婉婉極為照顧。數年前,車婉婉接手打理母親遺下來的「車氏粵菜軒」,曾一度周轉不靈,得悉姊妹有困難,黎瑞恩二話不說借出八十萬助她解決燃眉之急。此外,她還要求老公曾智明「幫拖」,當車婉婉是親人看待。

「阿恩唔單只借錢,為關照阿車有生意做,無論約朋友食飯定雀局,佢都提議幫襯『車氏』;又叫埋 Ricky(曾智明)多啲約班富二代去『車氏』食飯,就係咁,阿車同 Ricky愈來愈 friend,就算明知好姊妹個老公玩得好犀利,又同個廣州女人一齊兩年,搞到阿恩決定離婚,阿車最後竟然都係企喺男嗰邊。」有指車婉婉表態後,不少波友都為黎瑞恩不值,打電話剷爆阿車。

借過錢俾車婉婉應急的黎瑞恩,昔日亦為姊妹出書親身撐場。

有傳鄭應南不想黎瑞恩同仔女長居酒店,故近日把他在大埔白石角買下的二千萬豪宅天賦海灣給她三母子居住。

上週六放下婚變同友情嘅困擾,黎瑞恩帶住大女去捧另一姊妹羅敏莊主演的舞台劇。

黎瑞恩與曾智明相愛時,手揸的是只有十多萬簽賬額的附屬咭,難以想像貴為億萬集團的新抱,待遇咁平民。

縮骨惹衝突

上月才搬離夫家的黎瑞恩,據悉早於去年中已跟曾智明簽訂離婚協議,數月後便可正式回復自由身。但有傳二人上月中在商談離婚條件發生衝突,並指黎瑞恩碌爆兩張加埋只有數十萬限額的附屬咭。

夫妻關係破裂,加上有人提出「縮骨」離婚條件,另一方難以接受,結果引爆衝突,大打出手。

「傳聞話男方每月俾廿萬生活費三母子,但嗰日傾離婚個男嘅好縮骨,阿恩接受唔到嘈起上嚟,仲俾人推咗落地,之後兩個就互揪,男嘅俾人抓傷手臂同胸口,女嘅手亦受傷。佢哋冇報警,只係各自去醫院驗傷。嗰次之後,兩個只係透過律師接觸。」知情者說。

記者以短訊求證黎瑞恩在微博所指的忘恩朋友,是否傳聞中的車婉婉,她沒有否認,只表示不作回應。至於車婉婉,於截稿前仍未回覆本刊。

有傳車婉婉因在背後插黎瑞恩與知己鄭應南(右一)相戀一事,因而令姊妹情不再。

微搏撐

同是「 AGA」波友的李思雅,與戴夢夢跟《東張西望》主持李萬芬在微博齊撐黎瑞恩。

鬧婉婉

一名內地 DJ,在微博寸車婉婉忘記姊妹情。

一面倒

黎瑞恩與車婉婉相交十七年,彼此有不少共同朋友及波友,二人決裂後,大部分人都撐黎瑞恩,力證她為人有情有義。但講到車婉婉,就不提也罷!

羅敏莊

「我睇完佢(黎瑞恩)段微博,知道佢好 hurt!我係阿恩識咗廿年嘅朋友,知佢為人有情有義,絕對唔會好似嗰位十七年朋友咁對佢。(有傳佢所指嘅係車婉婉!)呢個我唔知,佢從來唔講朋友壞話,佢仲係個盡曬做老婆、媽咪同新抱責任嘅女人。」

林漪娸

「我知佢寫咗一段嘢,我諗朋友識得耐總有誤會,佢講出嚟想呻下啫!係咪講車婉婉我唔知,但無謂對號入座。總之我眼中小恩子係有情有義,而車婉婉,我同佢交情一般,唔算太熟。」

王馨平

「我唔評論呢件事!不過我只係知道我對阿恩好,阿恩對我都係咁好。」



鍾意就快D Share啦!


Related Posts Plugin for WordPress, Blogger...