雖然曾因誤服中藥中毒，但張達明仍有睇中醫，更到勝利道的中藥鋪取藥。
探熱針
長期抗爭 拍唔到劇 張達明痺住搞笑
年半前確診患上鼻咽癌的張達明，現時雖然已康復，不過因為曾飲錯中藥，引致重金屬中毒，傷及神經至今未癒，手腳仍經常嚴重麻痺，令他無法接拍劇集。但考慮到一對仔女只得十二歲及九歲，為將來生活著想，達明復工出任無綫藝訓班導師，下月七日，更正式復出舞台，與農夫合作舉行棟篤笑，又放聲氣接內地騷。為頭家，痺住做。
拒樂易玲好意
抗癌成功的張達明火速復工，近日正埋首為三月七日的棟篤笑度橋。
「度橋完全難唔倒達明，但一場騷要做兩個半鐘，最擔心係體力係咪應付到，加上之前化療傷咗把聲，所以佢先搵『農夫』做拍檔，幫輕啲！佢兩個都好幫手，無計較錢多錢少。依家達明同『農夫』各自分開度，三月會開始正式排！」張達明身邊人說。
雖然體重已比最輕時回升十多磅，但身體仍然虛弱，加上抗癌期間曾飲錯中藥，引致重金屬中毒，傷及神經線，手腳至今仍經常麻痺。
「當時達明體內鉑金比正常人超出六十三倍，其實好危險，要洗血清除體內毒素，但已經傷到神經線，手腳經常出現麻痺，做咗一段時間物理治療，情況先改善咗啲，但手指仲係唔夠靈活，有時打字都要老婆同仔女幫！」
康復不足半年，達明已復工出任無綫藝訓班導師，去年底再續約，收入以騷錢計，但因為手腳麻痺，令他無法接劇。
「有次達明同樂易玲食飯，樂小姐叫佢客串拍劇，但無綫拍劇時間日夜顛倒，莫講話有手腳麻痺，佢嘅體力根本應付唔到，所以都拒絕咗！」
放棄留學計劃
雖然已經賣樓吐現減輕負擔，但租住何文田山每月租金四萬，一對子女年紀尚小，達明唯有復出搞棟篤笑賺錢，為家人未來鋪路。
「醫生都有提醒佢盡量要休息，所以佢會揀啲輕鬆嘅 job嚟做，好似幫林子聰寫緊劇本，搵人拍檔做棟篤笑，佢仲放聲氣可以接內地騷，只要即日來回，佢都可以應付。」
已捱過抗癌最辛苦階段，現時張達明定時覆診外，亦有睇中醫，一對子女更是他精神上的推動力。
「達明對仔女好乖，讀書成績又好，以前打算等啲仔女再大啲送佢哋去外國留學，但依家唔諗啦；對仔女亦唔想老豆辛苦，想留喺身邊，達明去做物理治療，或者喺屋企附近公園散步，對仔女同老婆都會陪埋去。」張達明好友說。
套現應急
12年，張達明證實患上第三期鼻咽癌後全面停工，醫病試勻中西醫偏方，使錢如倒水；由於還有一個 12歲仔和 9歲女讀緊書，屋企開支大，難單靠老婆何念慈收入撐起頭家。 12年尾，張達明將西貢獨立屋出售套現，以便應急之用。
|
鍾意就快D Share啦！
|
|
|