熱爆娛樂: [壹週刊 1251] 孖仔禁返港　梁洛施兩頭撲梁洛施,M1,

2014年2月27日星期四

[壹週刊 1251] 孖仔禁返港　梁洛施兩頭撲梁洛施,M1,

返港兩星期，週日（二十三日）梁洛施搭早機返加拿大湊仔。

探熱針

孖仔禁返港　梁洛施兩頭撲

○八年梁洛施（ Isabella）搭上李澤楷，並為對方誕下囝囝李長治，有指她為入門做李家新抱，竟瞞住小小超偷食多仔丸，雖然成功懷有孖仔 H&N，卻因此觸怒小小超，導致分手。

童話夢碎， Isabella更要面對骨肉分離。

據知，特別疼愛大仔的小小超，年前安排長治返香港讀書，方便父子見面；相反，孖仔 H&N長期留在加拿大生活，即使今次 Isabella返港演出舞台劇，曾向小小超提出帶埋孖仔返港，亦遭拒絕。要彩排舞台劇又要湊仔， Isabella唯有做空中飛人，兩頭撲。

入到禁區， Isabella第一時間到 Disneyland買玩具俾孖仔。

Isabella由助手陪同到機場 check in，其間助手一度阻止記者拍照。

買完玩具，再到書店打書釘。

錫曬長治

灰姑娘童話夢碎，但一舉一動仍須遵照舊愛小小超意願的梁洛施，去年獲准復出拍罷張艾嘉執導的電影《念念》後，速返加拿大繼續做全職媽咪。

據知， Isabella與孖仔生活極之簡樸，零保鑣、冇司機，屋企只得一名工人幫手湊仔；相反，已經五歲大的長子李長治，卻萬千寵愛，獲父親接回香港生活。

「對孖仔出世到而家都未返過嚟香港， Bella本來想趁五月舞台劇公演，順便帶大細孖返嚟，但最後過唔到 Richard（李澤楷）嗰關。 Bella雖然同記者講 Richard唔會過問佢生活，大家係獨立個體，但實情係佢復出做幕前，都同 Richard拗咗好耐數，而家只係准佢一年接一個 project，其餘時間，要專心湊仔。」知情者說。

為應付舞台劇， Isabella每日要上三小時肢體語言訓練課程。

記者會完結後， Isabella與詹瑞文到朗豪坊酒店開會兼 high tea，離開時，友善跟記者揮手道別。

十五歲便跟詹瑞文學戲，今次詹 sir為 Isabella度身訂造劇本。

日日上堂

三歲多的孖仔一直隱居加拿大，至今相貌從未曝光。

今個月九日， Isabella秘密從多倫多返港，為舞台劇《快樂勿語》拍海報及開始排練，在劇中飾演聾啞人士的她，每日要上三小時肢體語言課程，當中包括練習拋波、碌地、眨眼、手語及各種面部表情等。

「同詹（瑞文） Sir傾呢單 job嗰陣，佢第一件事就話時間好 tight，由傾 concept到影海報見街，都係得十日時間，佢亦一直都冇透露女主角係邊個，直到影相嗰日，先知原來係 Isabella。」一名製作公司人員透露。

買玩具氹仔

上週二（二月十八日）， Isabella出席完舞台劇記者會後，換過便服與師傅詹瑞文到旺角朗豪酒店 high tea兼開會。傾足三粒鐘，離開時獲酒店職員特別安排搭專𨋢直落停車場上車，笑容滿面的她，在車上不停揮手，向記者道別。

留香港兩星期，本週日（二十三日） Isabella啟程飛返多倫多，電了一頭曲髮的她，有助手陪同到機場。

入到禁區， Isabella到書店打書釘前，先去 Disneyland專門店買玩具給孖仔。

長治有老豆錫， H&N卻有更多時間，由媽咪照顧。