網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月12日 星期三

[FACE 351] 有錯就認 出軌冷戰 廣告才俊箍煲胡定欣 胡定欣,MF,




上週四( 6日),胡定欣出席完《食為奴》宣傳活動後,即到商場 shopping預演闊太,不過個樣仲有啲心事重重。

真面目

有錯就認 出軌冷戰 廣告才俊箍煲胡定欣

32歲胡定欣,自 10年與筍盤馬國明分手後, 12年認識創作界有米才俊沈栢淳( Patt),拍拖年多定欣已公開表明視男友為結婚對象,二人除了於渣甸山同居,上年 Patt更求婚成功,定欣等做少奶奶。

不過邊有貓唔食魚?據知 Patt於除夕時與友人夜蒲,其間則以送女友人返歸為名先行離開,最終更跟女友人雙雙「失蹤」數小時。東窗事發激嬲未婚妻,定欣更單拖飛美國散心與未婚夫隔空冷戰。最終未婚夫以鮮花、燭光晚餐加甜言蜜語箍煲,胡定欣心軟原諒。

除夕晚,定欣到屯門出席倒數活動, Patt就在定欣開工呢幾個鐘有古怪。

現年 32歲的無綫姐仔胡定欣, 10年與筍盤馬國明和平分手後,踏入中女之列的她為覓好歸宿,火速溝掂由外國留學回港、家境不俗的廣告公司「 Hivemind」創作總監沈栢淳( Patt),年多來二人多次被拍得出雙入對,定欣更公開表明「已見家長,男友係結婚對象」,上年更傳出 Patt已向胡求婚,二人同居於渣甸山,可是婚期將到的胡定欣,戀情卻出現暗湧。

Patt沈栢淳

多次被影到與男友 Patt拍拖行街的定欣,已經唔怕認,只怕你唔影。

避走紐約

紐約今年的冬天特別漫長,胡定欣 1月尾到當地旅行就遇上大風雪,不過都冇阻佢去行街散心。定欣微笑自拍,但照片放上微博,定欣都冇回應過。

夜蒲飲醉出事

胡定欣由紐約返港, Patt除咗撲去機場接機,更第一時間炮製籮蔔糕畀未婚妻,輕鬆氹番。

一位於除夕晚有份跟 Patt夜蒲的友人向本刊透露:「除夕嗰日 Patt同班 friend出咗去私竇玩,當晚都有唔少女埋 Patt身,初時佢都好避忌,不過兩杯落肚就開始同啲女玩得埋咗,大約 11點幾 Patt就話送個女仔走先,後尾打畀佢都冇聽電話。」

據知 Patt向來少飲酒,去蒲更加少之又少,而定欣當晚因接了除夕倒數工作,所以未能跟未婚夫倒數,點知就出事。由於 Patt當晚亦冇接定欣電話,加上女人的第六感,所以定欣翌日即大興問罪, Patt當然一一否認,但定欣心裏有刺。

除夕過後,傷心定欣決定單拖到美國紐約散心,而在美國期間完全和 Patt零交流,令 Patt一度緊張戀情就此玩完。

約法三章守戒

任職廣告公司創作總監,閒時又會幫歌手執導拍 MV的 Patt,與張敬軒特別老友。

分隔三星期,於年初四( 3日)返港的定欣獲 Patt接機兼送花,當晚更大廚上身自製燭光晚餐,加上甜言蜜語補鑊。念在未婚夫是筍盤,而且一心想嫁,定欣最後決定原諒 Patt,但就與 Patt約法三章以後不得再蒲。

上週四( 6日),定欣出席新劇《食為奴》宣傳活動,跟未婚夫雨過天清的她當日全程表現風騷,在台上與王祖藍、黃智賢有講有笑,宣傳後又單拖到商場行街 shopping,買到一袋二袋,最後駕車返回二人位於渣甸山的同居寓所。

其實定欣早在去年出席公開活動時,已自爆好希望嫁得出。「男朋友係朋友介紹,大家性格好夾所以走埋一齊,之前有朋友幫我用塔羅牌占蔔,話我今年嘅感情事會有開心事發生。唔一定是結婚,訂婚都可以是開心事。同佢有提過結婚嘅事,大家都見過雙方家長。」去年定欣全年劇接劇根本冇時間籌備婚禮,據知《食為奴》宣傳後,定欣暫時冇劇在身,疊埋心水籌備婚禮嫁人。

氹番即笑

於《食為奴》演夫妻的定欣和黃智賢在活動上不時黐到實對方。被未婚夫氹番的定欣,心情已經平伏,喺活動中識笑。

向來頗受宅男歡迎的胡定欣,活動後勁多 fans爭住影合照,而定欣都有求必應,心情勁靚。

網上圖片

上月初曾病倒入院的 Patt在微博報平安,但就 po張中指相上微博,睇嚟 Patt都好玩得,難怪多女埋身。

跟 Patt拍拖 1年多,上年傳 Patt向定欣求婚,二人更於渣甸山花園大廈同居。上星期四,定欣出席完《食為奴》活動後去咗 shopping,然後便駕車返回二人的愛巢再外出。

多波折

入行 14年的胡定欣,感情生活一直多姿多采,除了獲她承認的吳浩康和馬國明兩段情外,更不時和合作對手傳緋聞, 03年拍《衝上雲霄》時被冠上「姣精」之名姣溝馬德鐘,與馬明分手後又自誇要做高鈞賢女友。雖然多緋聞,但冇一段可以開花結果,所以即使 Patt犯錯,定欣都情願選擇原諒對方,都不想分手。

馬國明( 08-09)

有指定欣和馬國明拍拖一年多後分手,仍對對方念念不忘,多番出招想箍煲翻撻,爭取兩人一同出埠及低調客串男友主演的電視劇,但最終都未能令馬國明回心轉意,正式分手。

吳浩康( 04-06)

吳浩康與胡定欣拍拖兩年, 06年遭莊思敏做第三者而分手。

08年有傳定欣在公司電梯與莊思敏狹路相逢,更對莊思敏說:「你都係著我舊鞋咋,八婆!」其間莊思敏亦在網誌中話定欣借舊愛博宣傳,最後定欣用「希望有啲人唔好再做小動作」結束。



鍾意就快D Share啦!


Related Posts Plugin for WordPress, Blogger...