2014年6月25日 星期三

[FACE 370] 得意蝦餃  4歲出騷 全班最高  Kelly仔壓軸萌爆 Kelly,Kelly仔,蝦餃,陳慧琳,MF,




全班最高的蝦餃仔,在表演中要扮演警察,而頂「警帽」同 T恤都是由家長自行設計,件 tee更加用咗學校英文名 St. Catherine簡寫做成,個個小朋友唔同款,不過蝦餃嗰件就好有 fashion味囉!

真面目

得意蝦餃  4歲出騷 全班最高  Kelly仔壓軸萌爆

陳慧琳長子蝦餃仔劉昇一向活潑好動兼萌爆,今年升讀 K2後, 4歲的劉昇更開始發揮母親的演藝 DNA,年紀細細已經表演慾超強。

上週六( 21日),是劉昇所讀的名牌幼稚園學生表演同樂日,壓軸出場的劉昇表情多多超投入,輕易成為全晚表演焦點,全場幾百名家長睇到拍爛手掌,睇嚟 Kelly可以幫蝦餃仔整個 fans club收兵喎!







今年 7月就 5歲的蝦餃仔劉昇,現讀位於九龍塘的國際英文幼稚園 K2級,一向活潑冇時停的蝦餃仔更遺傳了父母的高䠷身材,在班中鶴立雞群,據知因他活潑兼好動,故在校內亦頗受同學仔歡迎。

Kelly返學校唱歌

雖然早前有雜誌指陳慧琳特權多多,如要求學校不准在校內拍攝劉昇上課情況等,但 Kelly其實和學校好配合,據一跟蝦餃仔同班的家長表示:「蝦餃仔成日坐唔定通課室跑,不過都算聽話,功課亦都做齊,睇得出 Kelly好緊張蝦餃仔學業,除咗啲畢業旅行同課外活動 Kelly有出席外,有次有個題目係講『父母的工作』,要請啲家長返學校分享平時返工情況, Kelly都有返去,仲現場唱咗首歌添,好多家長都覺得 Kelly好親民,冇話特別擺明星架子囉!」

陳慧琳緊張蝦餃仔學業,上週六( 21日)幼稚園喺九龍灣九展演講廳搞學生表演同樂日,蝦蛟仔第一次上台表演, Kelly同老公劉建浩當然好緊張,當日學校通告朝早 9點報到,但 Kelly 8點半已經到場,雖然蝦餃仔的班級被安排在壓軸出場,但 Kelly仍好俾面由頭坐到尾,專心欣賞其他小朋友演出,坐足個半鐘冇離開過坐位。

父母齊撐

表演當日 Kelly同老公 Alex晨早 8:30到場,本刊要求影相, Kelly亦笑曬口話:「你哋咁好問咗先影嘅!」

直豎姆指

蝦餃仔表演期間,老公 Alex專心影相, Kelly就睇到笑曬兼豎起手指公大讚蝦餃叻仔!

全場歡呼

去年初開學時,蝦餃仔仍然略帶 BB樣,事隔 10個月,蝦餃已經盡洗 BB味,而細佬劉琛(小圖)今年已經 2歲,又係時候報讀幼稚園。《蘋果日報》圖片

終於到蝦餃仔出場,全班最高的蝦餃仔一出場已被現場不少家長認得,表演兒歌串燒的蝦餃仔亦表情多多交足戲, 8分鐘的表演即使偶有忘記企位兼對白,不過仍冇損 Kelly欣賞乖仔表演。完騷後 Kelly狂叫兼拍手,蝦餃仔發現父母拍手後,終亦忍唔住失控狂笑,蝦餃仔咁有演藝天份,做童星拍電影分分鐘攞金像獎喎!

蝦餃表情勁豐富

劉昇當日壓軸出場,一上台蝦餃仔就冇時停,而且 4歲蝦餃仔勁貪靚,頭髮亂咗嗱嗱聲整番好!

嘟嘴

蝦餃頂帽由 Kelly預備,似去街多過似警察。

整頭

蝦餃仔勁貪靚,除帽後即刻整理頭髮,好有做星潛質。

扮 cutie

話曬係小朋友,上台表演難免要有扮可愛例牌動作,蝦餃仔亦照做。

狂笑

唱到尾段,蝦餃仔發現父母勁拍手,忍唔住掩面大笑。

掩嘴

愈笑愈唔停口,掩完面又掩嘴,笑足成分鐘。

諗嘢

跳跳嚇蝦餃仔忽然唔記得歌詞,就掂嚇頭仔扮諗嘢!

怪獸星媽

香港讀書出名爭餐死,名牌幼稚園分分鐘幾百個小朋友爭一個位,難怪圈中有唔少怪獸家長努力催谷,希望仔女贏在起跑線。

李嘉欣仔 Jayden 學四語

李嘉欣寶貝仔 Jayden貴為許世勳家族嫡孫,許家資產高達 124億,小 Jayden自然要文武全才,現年 3歲讀港島名牌維多利亞幼稚園的小 Jayden,已識英、粵、日、普四種語言,加埋其他興趣班,名副其實周身刀。

楊千嬅仔 Torres 谷學前

今年 2歲的千嬅愛兒 Torres,早前為乖仔選中林青霞繼女邢嘉倩開設的「 Bebegarten」 playgroup,貪佢全英語授課兼有證書可一條龍升上國際學校,該校學前班每月學費高達$10,400,唔係普通家庭讀得起!

郭可盈女天若 狂催谷

同樣為 2歲大的郭可盈林文龍乖女林天若,去年已開始報讀每月學費$8,000的九龍塘名牌學校京斯敦幼稚園的學前班,今年正式升讀該校 K1,而且小天若唱歌畫畫外語興趣班齊報,可盈望女成龍谷盡。



鍾意就快D Share啦!
Related Posts Plugin for WordPress, Blogger...