全城熱爆的娛樂八封新聞 & 時事趣聞 & 生活 + 趣聞
法拉出名靚，呢日喺長洲碼頭拍戲，呢嚇不經意輕撥秀髮，真係引死 FBI。
鄭中基自導自演嘅新片《神秘寶藏》，早排去咗廣州拍外景，話咁快就完成廣州場口，拉大隊返香港長洲繼續拍。
上星期二（ 17日） FBI入咗長洲直擊拍攝，當日除咗有鄭中基，仲有女主角陳法拉同埋趙碩之，不過著得好平凡嘅法拉唔算多人圍住，反而乞衣裝扮嘅鄭中基就勁吸引市民注意。劇情講鄭中基同法拉喺碼頭傾偈，鄭中基有幾多笑料相信大家都估到，而 FBI當日亦見到法拉忍笑忍得好辛苦，仲因為俾鄭中基引到佢爆笑而 NG咗 3次咁多添！以前法拉拍來拍去都係大台啲膠劇，今次拍住鄭中基搞笑，有新鮮感之餘，仲正式闖影圈嘛！
兩個望住個海嘅傾偈戲，就因為鄭中基呢個造型同疑似即場爆肚，搞到法拉要 NG。
法拉包到上頸，有份演《神秘寶藏》嘅「 36D」趙碩之當然唔會咁嘥料，著住背心出鏡。
