[FACE 370] 嫁得出 '15年頭嫁 胡定欣晒 70萬新車上岸 胡定欣,MF,

週日（ 22日）定欣喺數碼港為新劇《商戰》拍外景。喺大台拍劇好易捱殘，呢日定欣個樣都好攰，即使唔係搞結婚，都真係要放嚇假休息。

真面目

嫁得出　'15年頭嫁　胡定欣曬 70萬新車上岸

11年被城中筍盤馬國明狠飛後， 32歲胡定欣極速搵到另一筍盤，任職廣告界、開製作公司的闊少男友沈柏淳（ Patt）。拍拖唔夠 1年，定欣已搬入男友位於大坑的寓所同居，一於箍實對方。

據知，胡定欣自年初踢爆男友 Patt偷食後， Patt出動求婚一招挽回女友信任。正趕拍新劇的定欣已向公司申請半年大假，待 7月初新劇煞科即全力搞婚事，比好姊妹胡杏兒早一步上岸。

拍戲、拍廣告就著過無限次婚紗，定欣終於喺出年結婚，著上屬於

自己嘅婚紗。

正為新劇《商戰》趕戲的胡定欣近日為新劇忙得天昏地暗。據她的身邊人透露，定欣已向大台請假，待完成《商戰》後，便會著手籌備婚禮。

請假搞婚禮

據定欣的身邊人透露：「定欣上個月向公司請咗半年假，初時佢都好口密唔講原因，但問到佢係咪結婚佢就陰陰咀笑，再問佢係咪年尾，佢就話『睇嚇得唔得，唔得就年頭囉』。」

今年初， Patt被爆在除夕派對同一女子突然失蹤而激嬲定欣，定欣更嬲到單拖去紐約旅行散心。為挽回女友對自己的信心， Patt隨即向定欣求婚，二人更定下婚期為明年初，趕得到就今年尾。

近排定欣忙住為《商戰》趕戲，見拍檔黎耀祥分分鐘多過見男友。

去年 9月生日，男友 Patt已經儼如男主人咁喺女友生日 P上招呼朋友，據知定欣身邊朋友亦好贊成定欣嫁 Patt。網上圖片

口密唔肯認

守得雲開，定欣疊埋心水準備做沈太。週日（ 22日）胡定欣為新劇到數碼港拍外景，心情大靚的她更駕著 70萬新車到數碼港。當記者上前恭喜她時，定欣亦相當配合露出喜悅笑容，不過定欣為免張揚，始終唔認好事近。「又恭喜我咩呀？（年尾結婚喎！）唔係呀。（但係你請咗半年假喎？）我下半年仲有工作，應該 10月開劇，工作為先。（同男朋友點呀？）一切都好好，多謝關心！」

雖然定欣死口唔認結婚，不過她曾在訪問中透露想於 35歲前結婚兼生仔。計番條數， 9月即將 33歲的定欣，出年結婚咪啱曬囉。

新： BMW 428i

定欣喺 3個月前換上車價約 70萬嘅寶馬 4系新車，放棄揸咗 3年，車價約 30萬嘅福士 GTI，愈揸愈豪。

舊： GTI

鍾意就快D Share啦！

下一篇 》