翻脹200磅 欣宜：我冇自暴自棄
翻脹200磅肥得漂亮 欣宜：我冇自暴自棄
現年27歲的鄭欣宜遺傳媽咪沈殿霞（肥姐）的基因，15歲時體重已高達230磅，雖然曾經因入行拚命減肥，成功激減至130磅創造神話，然而，最近欣宜的身形又再翻脹至200磅，雖然雙下巴、豪華躉、水桶腰、麒麟臂、象腿再現人前，直逼已故媽咪肥姐的招牌身形，不過欣宜現在卻肥得健康又開心，充滿自信地向港女展示肥都可以好靚的欣宜說：「我冇自暴自棄！」
鄭欣宜不但遺傳媽咪肥姐的演藝天份，同樣亦遺傳了肥姐的肥胖基因，8歲已膽固醇超標兼有高血壓，青春期體重更高達235磅，於03年欣宜擔任瘦身代言人，於一年內成功搣去100磅肥肉，搖身一變成為130磅的窈窕淑女。惟曾經創造減肥神話的她，近年身形卻時脹時瘦，最近體重更翻脹至200磅，完全配合錢國偉執導新戲《辣警霸王花》扮演肥警花的角色。
【27歲 翻脹期】
■欣宜到中環嘆咖啡，對於現時磅數笑言是秘密。
拍動作戲挑戰自己
據知，欣宜自簽約蕭定一的公司後，近月已經沒有刻意減肥，只為免皮膚差少食煎炸食物，雖然欣宜翻脹不復當年苗條，但身手卻敏捷過人，絕對不比瘦人失色。上月欣宜到吉隆坡拍《辣》片時，與Jeana（何佩瑜）、莊思敏等接受野外特訓，欣宜除要爬上40呎繩梯，再淩空飛索滑落，又要做出一字馬老江湖甫士，欣宜都沒被體重難倒，成功做出動作，獲導演錢國偉激讚，欣宜亦在微博留言：「我要為肥人爭光，我做得到誰都做得到！」
欣宜昨傍晚6時許現身中環歌賦街的精品cafe店嘆咖啡，對於被指翻脹至200磅，問她有否唔開心？欣宜展示開朗笑容說：「冇唔開心，磅數呢家嘢我一直冇公開，一直都係大家揣測，覺得我幾多磅唔緊要，最緊要繼續聽我嘅歌，睇我嘅演出。」
翻脹的欣宜自信十足，還為肥人發聲：「我覺得肥瘦唔應該框死一個人嘅命運，好多人會同我講『嘩！有冇搞錯？做乜自暴自棄畀自己肥番？』我冇自暴自棄，其實我今年簽咗新公司之後，不斷有工作，啱啱喺馬來西亞拍完戲，嚟緊仲有好多新工作，自己都好開心。」
■上月到大馬拍戲的欣宜，親身上陣演動作場面，吊鋼索爬繩梯冇有怕。資料圖片
衝破肥人社會迷思
曾因做藝人而接受地獄式減肥的欣宜，月前轉簽蕭定一旗下一元製作室，終於不用再受減肥之苦，她說：「簽呢間公司之前，我同老闆阿一講咗唔使減肥，最緊要身體健康，老闆都叫我應承佢每年做身體檢查，我都做咗，健康嘅，正常嘅，我應承大家繼續做運動，只不過冇之前咁緊張磅數同身形。」
■10年最索時期的欣宜只有130磅，樣貌更與徐子珊有幾分相似。
■輕鬆做一字馬的欣宜不再介意自己磅數。
資料圖片
【我撐公投】網頁:
http://622popvote.appledaily.com
|
鍾意就快D Share啦！
|
|
|
