[FACE 370] 波係圓嘅 世界波賣球 Cammi師妹寸 Coffee：殘廁咁污糟 Coffee,Cammi,BKD_S,林芊妤,MF,

Donut成員 KamKam會在寫真集中玩波、頂波，總之乜波都出齊。

真面目

波係圓嘅　世界波賣球　 Cammi師妹寸 Coffee：殘廁咁汙糟

今年特別多波波睇，有世界盃又就快到寫真大戰，已經第 5年出寫真的 Donut，雖然師姐 Cammi等嫁富二代唔玩， Rainbow又從良唔拍寫真，但 4個舊成員依然繼續賣肉博到盡。

佢哋仲話會考慮仿傚喺殘廁纏綿的 Coffee（林芊妤）在廁所拍照，乘機抽水之餘仲恥笑 Coffee：「殘廁咁汙糟，要搞嘢都上酒店臭臭！」

其他影片：>>Donut睇真啲

Donut今年反樸歸真唔玩妄撮，寫真封面賣樣多過賣身材，揭開至有養眼照睇咁話。

前「 SING之天使」 Coffee與 31歲上市公司達利國際集團有限公司 CEO林知譽（ Will）被踢爆在 ifc傷殘人士廁格內𠵱泣，雖然 Coffee事後已躹躬道歉，但依然被笑到面黃，其男友更避走杭州。

Cammi等嫁

網上圖片

前 Donut成員 Cammi與富二代男友 B先生拍拖近一年，經常在微博曬恩愛，並稱視對方為終身伴侶。

Rainbow封胸

《蘋果日報》圖片

Rainbow兩年前離隊盼有更好發展，可惜至今影都冇埋！

「係咪冇錢開房呀？」

Coffee（林芊妤）爆出「廁格風雲」，大台高層樂易玲表示唔會姑息，雖然 Coffee事後道歉，但星途凍過水。

7月將推出寫真的 Donut成員一聚埋亦不離數「臭」 Coffee：「係咪冇錢開房呀？個男仔明明係有錢噃！殘廁咁汙糟，要搞嘢都上酒店臭臭！ ifc隔離咪有酒店囉！」「呢單嘢咁好笑，我哋都要諗諗喺廁所影番輯寫真，不過商場廁所就免喇！係都上酒店廁所啦。」

出寫真𡃁模買少見少，連 Donut師姐 Cammi都已擒實富二代 B先生等嫁， Rainbow則轉投寰宇旗下的 model公司唔出寫真，淨番 Elke、 KamKam、 Elise同 Biona今年食世盃熱玩波波。 Elise解釋：「都冇曬對手，點解唔出呀？我哋今年玩埋世界盃主題， Elise會頂波波，我會裸上半身，淨係用條英格蘭打氣帶遮住兩點。」

冇咗兩個師姐帶住， 4人 Donut孭飛都重啲！ KamKam鬼馬話：「 Cammi都搵到富二代啦，我哋點會唔得？出過寫真之後，我哋每個月都要上大陸廿幾次，打碟、唱歌其實好賺過賣寫真㗎！使乜有師姐啫！」

寸完 Coffee再寸師姐， Donut不如去講埋波

半裸遮咪

另一成員 Elise稱今年突破底線，為配合世界盃主題，只用英格蘭的打氣帶遮住重要部位。

寸盡同行

今年寫真戰都幾多熟口熟面兼熟女大混戰，只有 18至 22歲的 Donut可以話係後輩，不過唔寸嘴邊有話題？ Donut話班前輩全部要 out喎！

AD2　唔同呢

騎呢組合 AD2成員換完又換， Donut反白眼狠批：「如果鬥重口味真係唔及佢哋，佢哋嗰啲擺喺第二度賣至得，唔同 level囉！」

黃榕　得人驚

《蘋果日報》圖片

年過 30的黃榕今年玩全裸彩繪又跳鋼管舞，叫有啲新意，但被 Donut稱為老嘢：「過咗 30仲出寫真係好得人驚，我哋影多幾年都仲係廿幾歲咋唔該！」

劉俐　陪老細

34C勁索藍莓（劉俐）首次赤裸寫真，話會只用樹葉遮住敏感部位， Donut卻唔放在眼內：「之前睇啲報道話佢陪老細喎，佢出寫真畀老細睇？」

陳蕊蕊　多紋身

陳蕊蕊擁有 34E誇張身材，影寫真時男友金剛要喺現場監工防走光， Donut寸嘴話：「蕊蕊太多紋身，愈著得少愈現形，一啲美感都冇！」

仙樂都　似指南

《蘋果日報》圖片

中泰混血兒仙樂都今年返回老家泰國布吉取景，仲講明係最後一激博翻身， Donut笑曬：「仙樂都都出寫真集？喺澳門，仙樂都係夜總會喎，係唔係出夜總會指南咋？」

鍾意就快D Share啦！

下一篇 》