[FACE 370] 華洋交流 洋仔 gathering 薛凱琪心郁：好靚仔 薛凱琪,MF,

貼

雖然 MV冇熱舞環節，但對住靚仔鬼模， Fiona更加入戲，呢幕互摸兼鼻貼鼻，好誘惑喎！

真面目

華洋交流　洋仔 gathering　薛凱琪心鬱：好靚仔

入行十年， 9月再開紅館騷的薛凱琪（ Fiona），轉會太陽娛樂即成 Paco黃柏高愛將，除咗新碟話曬事，單單拍一首新歌 MV已經使 80萬，又指定要搵天後禦用台灣導演拍攝，搭咗個室內廠景玩 gathering，好彩唔係殘廁咋！

自爆未同過鬼仔拍拖嘅 Fiona，今次搵咗個高大靚仔嘅洋模做男友，又攬又瞓， Fiona直言畀對方電親添！

Fiona出名要求高，假血搞到成身汙糟曬都冇所謂，最緊要靚。

Fiona自轉投 Paco黃柏高旗下太陽娛樂後，受到重視，新歌〈弗洛蒙〉由老死方大同作曲，就連 MV導演同男主角都自己話事，果然係一姐。

臨時加戲

新歌 MV埋單 80萬，使咗去邊？單單搭景已經 20萬， MV共搭咗兩個廠景，又搵嚟台灣著名導演比爾賈操刀拍攝，容祖兒的〈加大力度〉、林憶蓮的〈蓋亞〉和〈無言歌〉都由比爾賈執導，一分錢一分貨， Fiona真係識揀。

今次 Fiona唔跳性感熱舞，用演戲同肢體語言交代，親自揀男 model做情侶，去到拍攝現場，導演仲加插 Fiona同鬼模攬瞓咀戲。

瞓

Fiona大讚鬼模靚仔，又話未同過鬼仔拍拖，鍾意講英文嘅 Fiona，下次會唔會搵番個鬼仔男友呢？

攬

鬼模同 Fiona一樣肉緊，攬到咁實，不過導演一 take收貨，冇得 NG。

「我想拍拖」

每日錄歌兼準備演唱會的 Fiona， MV拍攝時間由兩日減至 19個鐘完成， Fiona說：「雖然係一首快歌，不過自己就想改改個風格，所以今次唔用 dancer嚟伴舞，改用自己虛構出來嘅場景配合，雖然冇咗舞步，但就多咗好多肢體語言嘅發揮，由戀愛到嗌交，都需要好多演技，呢個亦係自己咁多 MV中，最多演技嘅一次。（同鬼仔合作有冇火花？）佢好靚仔，不過都需要演技，仲好快上手！（想同鬼仔拍拖？）我未試過喎，單身咁耐，我都想拍拖㗎。」 8月就 33歲嘅 Fiona，都係時候要愛情滋潤嚇

12年， Fiona轉會 Paco打骰的太陽娛樂後一直受到重用，出碟、拍戲、開演唱會瓣瓣齊。

名牌導演

Fiona新歌〈弗洛蒙〉搭咗兩個景拍攝，其中一個 shot仲要被噴到成身麵粉，不過件衫咁 deep V，視覺效果一流喎！

台灣天後張惠妹的歌曲 MV唔少都係由比爾賈拍攝，如 09年「阿密特」的〈分生〉、〈好膽你就來〉。

林憶蓮上張國語專輯《蓋亞》的主打歌〈無言歌〉和〈蓋亞〉，都是由比爾賈操刀，憶蓮仲話導演一路拍一路教戲。

柏豪對撼

同樣係 9月開演唱會的周柏豪，處男的紅館個唱，原定只開 25日一場，因銷量理想而加開 26日，銷情有價有市。 9月紅館，揀阿 Fi定大文豪呢？

愈搞愈大

滿約黎明向外闖的 Janice Man，決定自組公司做老闆，以「 JM Workshop」與太陽娛樂合作，更在中環以三萬月租開設寫字樓。圖片

早前有報導指鄭裕彤家族控股的國際娛樂，斥資收購周焯華私人持有的太陽城集團疊碼仔業務 70%股權，作價最多 73.5億。屬太陽城旗下的「太陽娛樂」最近亦大計多多，更動用大量銀彈招兵買馬；而陸續簽下的藝人、歌手，除即將包薪加盟的 Janice Man，另外仲有方力申和恭碩良。

現役

許志安

Stephy

陳奐仁

小肥

陳慧敏

As One

加盟

Janice Man

方力申

劉浩龍

恭碩良

鍾意就快D Share啦！

下一篇 》