掃呢頁CODE去手機

2014年6月25日 星期三

[FACE 370] 《變形 4》有對白 李冰冰威晒任抽 冰冰,范冰冰,李冰冰,MF,




影後上身

上週四( 19日)《變形 4》舉行全球首映,著住法國名牌 Stephane Rolland晚裝嘅冰冰行紅地氈嗰陣十足影後咁款,有專人整理裙擺。冰冰喺《變形 4》內有多句英語同國語對白,完全跑贏拍極荷里活片都冇對白嘅範冰冰。

FBI

《變形 4》有對白 李冰冰威曬任抽

上年 10月尾喺香港取景嘅《變形金剛:殲滅世紀》( Transformers: Age of Extinction》終於上畫,上週更再度大軍殺入香港舉行全球首映,難得主角麥克華堡同導演米高比爾等巨星全部到齊, FBI梗係唔放過機會去睇巨星,兼率先睇《變形 4》

上週四( 19日)舉行首映禮,一班巨星冒住壞天氣行紅地氈。當日飾演麥克華堡乖女、只得 19歲嘅妮歌拉佩斯行紅地氈時,以一套大開中門現半球晚裝搶曬風頭,搞到片中飾演女科學家嘅李冰冰都要企埋一邊。

翌日舉行記招,形勢卻 180度轉變。當日班男演員同記者對妮歌拉冇乜興趣,反而不斷關注李冰冰,唔只男演員,連導演米高比爾都輪住攬冰冰。首先當冰冰用國語介紹自己時,米高突然用英文插咀撩冰冰:「你搞得掂嗎?」之後冰冰扮嬲用英文反擊:「今次我可以折磨你」打完情罵完俏,冰冰即氹番大導話:「米高你知我有幾愛你。」 FBI聽到都毛管戙。之後輪到飾演冰冰拍檔嘅史丹利杜斯發言,佢又借冰冰開玩笑:「我喺北京拍戲嗰幾日,冰冰有帶我去佢媽媽開嘅餐廳開餐。」本來冇乜出奇,但史丹利最後插嘴加句:「不過我冇通知我老婆。」全場大笑。冰冰雖然不斷被抽水,但就成功做咗全場焦點,為強國增光。

翌日記者會,同冰冰最多對手戲嘅史丹利杜斯亦唔執輸,除攞冰冰開玩笑,影相期間亦攬實冰冰,不斷撩佢傾偈。不過你睇冰冰對史丹利嘅眼神,就知已經 41歲嘅佢對男人確有辦法。

上週五( 20日),記招前一眾《變形 4》演員上台影完相後,導演米高比爾即攬住冰冰纖腰落台,冰冰亦識做搭番米高膊頭,唔知真係以為佢先係「女一」。

冰冰深受片中導演同男演員歡迎,反而一班男人對妮歌拉冇乜興趣,連導演米高比爾都寧願搭住麥克華堡,搞到妮歌拉冇乜癮。

麥克禁女拍拖

片中,麥克飾演嚴父,唔准 17歲女兒妮歌拉拍拖。現實中有 4個仔女嘅麥克接受 FBI訪問時話一定唔准大女( 10歲)拍拖,「即使到 17歲都唔可以!(幾時先可以?)去到 2095年吧。」

「女一」開中門

首映當日,《變形 4》女主角,飾演麥克華堡乖女嘅妮歌拉佩斯以大開中門晚裝硬撼冰冰。只得 19歲嘅佢,賣嘅當然係蔔蔔脆。



鍾意就快D Share啦!