2014年6月25日 星期三

[FACE 370] 賣大包 翠如 BB鬥屎波 謝安琪鬆身都盪 翠如,謝安琪,BKD_S,黃翠如,MF,




個波入唔入到唔重要, Kay呢下跌盪輕躍 cap圖,斷估將在節目出街後空襲各討論區。

真面目

賣大包 翠如 BB鬥屎波 謝安琪鬆身都盪

睇大台遊戲節目求認真同創意?傻的嗎?識睇梗係睇黃翠如同謝安琪兩大 BB開戰。

上週五( 20日),大台拉隊為新一集節目錄影,原來下集賽事移師到中學運動場玩「體育堂」。搵埋籃球健將周柏豪到場,親自教射籃同跳高,估都估到零運動細胞嘅翠如同 Kay姐手姐腳揸流攤。不過咁,家陣唔係奧運會,兩位女神換上 PE衫跌盪在操場,至係你最期待的畫面!

大台遊戲節目幾十年來冇進步,好似逢週日晚嘅《快樂聯盟》疑似抄《 Running Man》,全靠兩位 BB翠如同 Kay頂住,集集背心短褲;繼 Kay曲體碌波、翠如熱褲耕田後,下週 full team上 PE堂,黃翠如同 Kay PE衫褲、白襪仔上陣。

保守估計, 37歲 Kay有 20年冇著過 PE衫上身,睇頭十足,不過女神就唔多享受咁突出,全程唔多自在。

柏豪教波時, Kay不斷分心整理上衣,唔敢太突出。

胸贏翠如

新節目其實冇乜特別,全靠兩位女神坐陣,每集更加要搵外援谷收視,「四大」歌手仍未簽約,不過呢集就請華納嘅柏豪撐場。

首回合由好波男神周柏豪任客席教練,親身向全組隊員教授「點指波波」神技同入籃技巧。

當豐滿安琪與骨感翠如在 PE堂遇上,原來身材太好都可以是負累,翠如 BB自在又專注,人妻兼人母 Kay反而分心,怕棉質上衣太貼身,又要攝入黑色 PE褲內,上圍本來已經贏盡翠如和同場小花,加上 PE衫效果更見立體, Kay不時低頭望兼拉衫整理,難怪射籃時射極唔入,情有可原啦。

負荷太大

次回合又係柏豪扮阿 Sir,全場隊員輪住跳高,其實支桿已經 set得低無可低,但成功跳得過,只有啱啱開完演唱會嘅草蜢。

不過,運動最緊要係體育精神,連圓碌碌嘅 Bob都認真跳時,翠如同 Kay明顯揸流攤,翠如兩跳都冇姿勢冇實際,而負荷太大嘅 Kay,第一跳已經衝埋軟墊,唯有喪笑遮醜,第二跳叫做係咁易趷高少少,不過畫面咁立體,收視可能好過膠劇《西遊記》㗎。

跳唔起

起跳前 Kay伸開兩手助跳姿勢一流,不過一埋桿即洩氣,直衝軟墊。

以為翠如 BB心口阻力細,人又輕盈啲,可惜係錯覺。翠如由打籃球至跳高都姐手姐腳,更撞走跳桿。

笑到唔願走,柏豪、羅鈞滿(左)齊齊上前助一臂之力,點知 Kay更加笑唔停。

的骰瞓身

第二跳雖然都係撞跌桿,但翠如 BB態度正經過人妻 Kay,起碼冇喪笑碌地。

女神對決

高登女神榜,翠如 BB同 Kay BB今年都打入十大,今次首次同場對決,巴打個個星期推到完場,都係等睇、等 cap兩位女神。

鬥短

大熱天時兩位女神都興著熱褲,不過第六集落場耕田,翠如著工人褲玩田原 look,就輸俾耕田都要夠短嘅 Kay。

鬥跌

拉大隊落場碌齡,翠如連身短褲夠可愛,不過 Kay Cup數略勝一籌,再加上輕輕曲身、背心跌小小啫,已經贏曬!

鬥腳

第五集玩劃艇,攝影機角度擺位剛好可以睇曬兩位女神白滑長腿。暫時呢集呢個鏡頭最多人談論。



鍾意就快D Share啦!
Related Posts Plugin for WordPress, Blogger...