2014年6月25日 星期三

[FACE 370] 嘥料 過有線冇人知 張可頤降呢拍奀星 張可頤,MF,




4月好腫

張可頤在《激活.空間大改造》中有專屬自己的環節,負責介紹香港舊區建築物。 4月頭首集介紹美荷樓時,張可頤仍然眼腫面腫。

真面目

嘥料 過有線冇人知 張可頤降呢拍奀星

前年由大台轉投香港電視的張可頤,因為港視開台無期無奈決定唔續約,去年 12月被迫回復自由身。

大台唔收留,港視未有前景,張可頤焗住接散 job,早前靜雞雞過有線做綜藝節目《激活.空間大改造》主持。貴為昔日視後,張可頤過檔後竟然要降呢與二打六做拍檔,反而該節目的前任女主持李佳芯( Ali)轉會大台後即升呢成為新高登女神。

唔想愈做愈奀, 45歲張可頤真係要望王維基早日開到台,有得返去做一姐喇!

演技早達視後級數的張可頤, 12年拍完最後一齣大台劇《天梯》(最高收視 39點)後即投向魔童王維基,以 7倍天價人工、每集 14萬元與劉美君合拍新劇《客家女人》。以為執到寶,點知港視搞極都攞唔到牌,除了新劇冇得出街,魔童亦被迫暫停開劇,一代視後變相失業。

6月尖番

最近幾集,張可頤狀態逐漸提升,上鏡唔覺腫之餘,瓜子面都返咗嚟!電視畫面

上週二( 17日)出席活動,張可頤精神奕奕,面色紅潤更完全消曬腫。

失業自由身

冇收入但係又孭住去年以 600萬買入的元朗四季豪園,要供樓惟有搵出路,曾被甲狀腺炎搞到口腫面腫的張可頤,靠積極做運動抗疾魔,至今年 4月,張可頤以自由身身分過檔有線,主持綜藝節目《激活.空間大改造》,負責介紹香港舊區建築。

空降收費台,一向同陳豪、羅嘉良等一線男星合作的張可頤冇得揀,焗住與奀主持、曾經在足球台講波的強尼及裝修師傅麥 Sir做拍檔,加上新節目由 4月播出至今甚少宣傳,連轉會頭炮都無聲無色。

去年仍屬港視藝人的張可頤,曾上街遊行抗議政府唔發牌。

張可頤前週五( 13日)到深水埗派飯畀獨居長者,可能近排煩緊供樓,連行車證(右圖)過咗期都唔得閒換!

大台永不錄用

留守有線谷唔起,張可頤又萌生走人念頭,據知她正與 nowTV傾合作,打算接拍旅遊節目,成為首個去勻全港 4個電視台的女藝人。

冇間做得長,其實張可頤轉投有線前,一度放風想重回 TVB,可惜有傳性格率直的張可頤多年來樹敵太多,拍《天梯》時唱陳茵媺靠黐陳豪爭戲份,又連高層曾勵珍都得罪埋,以致被列入黑名單,永不錄用!潮流興懷舊, 45歲一樣可以變美魔女,張可頤唔使灰喎!

拍檔冇人識

電視畫面

《空間大改造》做到第 4輯,主持換上另一奀人王曉君(右一),拍住舊人強尼(中)、麥 sir(左),三個都冇人識。《空 4》繼續講日本舊屋改建,呢一輯仲加埋張可頤介紹香港舊建築,豐富過大台以前套只講香港樓的《更上一層樓》。

4線李佳芯

電視畫面

新一輯《空間大改造》冇咗 Ali李佳芯(左一), Ali一過大台即變女神,留守有線的確冇前途。

走淨兩件

自從有線前高層余詠珊空降無綫做非戲劇製作部總監,即不斷挖角,繼成功將「第一代愛將」黃翠如同洪永城洗底變為 TVB人,余詠珊仍繼續搶人,除李佳芯 Ali,仲有衞志豪、陸浩明、莫家淦及丁子高舊愛譚凱琪( Zoie)。走得就走,有線舊有娛樂女主持得番史澤雅同劉明軒,勢孤力弱,難怪要請外援救亡!

史澤雅:我已經完約,𠵱家自由身!(真實對白)娛樂台《為食情報局》

劉明軒 娛樂台《今日觀點 Ladies’ Night》

過檔大台

譚凱琪 翡翠台《世界盃-黃金戰報》

衞志豪 收費台《低俗講波團》

莫家淦:轉嚟無綫加咗人工!(真實對白) J2台《漫遊南美》

陸浩明 收費台《低俗講波團》



鍾意就快D Share啦!
Related Posts Plugin for WordPress, Blogger...