掃呢頁CODE去手機

2014年8月22日 星期五

[忽然1周 995] 花心鄭俊弘狠撇  34D姜麗文進擊楊受成孻仔 鄭俊弘,姜麗文,楊受成,MW,




三點式出擊

日前( 9日),本刊發現甩拖後的姜麗文,秘密約會楊受成孻仔楊政龍到西貢滑水暢泳。姜麗文更穿上火辣三點式,在楊政龍面前大騷 34D本錢。

滾熱辣

花心鄭俊弘狠撇  34D姜麗文進擊楊受成孻仔

秦沛愛女姜麗文( Lesley)與鄭俊弘( Fred)識於微時,兩小無猜以為共度患難亦可共富貴,可惜男方走紅後死口唔認戀情,更被踢爆腳踏四船。據知男方為求回復單身方便覓食,三個月前狠飛姜麗文, 3年情告終。

不過跌咗個「桔」,姜麗文竟然在短時間搵番嚿「金」。日前( 9日),本刊發現姜麗文身邊男伴已經升呢為楊受成孻仔楊政龍( Alex),二人相約到西貢滑水。向來密實的姜麗文,更在新歡面前大騷 34D驕人身材,難怪楊公子都要即時影低如此火辣場面。







早年在日本以獨立歌手發展的姜麗文,返港後與哥哥姜文杰組成「 Benji& Lesley」自資出碟。前年與大台鬧翻,二人過檔港視,可惜開台受阻,兩兄妹前路茫茫。直至近日,二人參加內地節目《我不是明星》,結果順利過關,在內地爆紅。

苦戀三年

28歲姜麗文和 30歲鄭俊弘拍拖三年,男方一直唔肯承認女友身份。《星夢》後,一朝得志的鄭俊弘,據知為求回復單身可四出溝女,三個月前狠撇姜麗文。

搵老竇安慰

被鄭俊弘狠撇後,據知姜麗文十分傷心,不時搵老竇秦沛安慰。

五月分手

事業有起色,可惜與鄭俊弘的三年戀情卻一池死水。鄭俊弘和姜麗文的拖友身份雖是圈中公開秘密,但自從男方在《星夢傳奇》彈出,為求大台一紙經理人合約,死口唔認有女友。本刊收到消息,二人原來早於五月中已分手收場,知情人透露:「其實年頭嗰陣, Lesley同 Fred已經試過冷戰啦,不過 Fred𠱁番女友,仲話過一排會放風出去,公開佢哋嘅戀情, Lesley都信㗎。點知之後 Fred爆出一腳踏四船, Fred仲試過瞞住 Lesley話開緊工,結果俾人影到佢同女仔出街。 Lesley好嬲質問 Fred,但 Fred話既然 Lesley唔信佢,一齊都冇意思,箍都懶得箍。」

楊政龍揸機

據知,姜麗文和楊政龍撻着兩個月,正在熱戀期。當日楊政龍更充當女友私人攝影師,為姜拍下多張三點式照片。

隱藏男友

男方身份要保密,因此當日姜麗文放上微博的照片,就只有自己在魚排所影的單人照,認真鬼馬!

樂做阿四

貴為楊受成公子,楊政龍卻不介意彎身為女方着滑水鞋,十分體貼。

當面寬衣

上岸後,姜麗文不避嫌在男方面前脫下救生衣,凸顯身材,可見二人關係親密。

茶座撐枱腳

姜麗文和哥哥姜文杰組成的 Benji& Lesley,近日在內地節目爆紅,日前更請來老死房祖名上台撐場。房吸毒闖禍,姜麗文坦言很擔心。

與鄭俊弘三年情就此玩完,一直冇被承認過女友身份的姜麗文傷心欲絕,身邊不少好友都擔心她,每逢有聚會都會預她一份。甚有異性緣的她,原來近日已暗撻家底比鄭俊弘好百倍的楊受成孻仔楊政龍( Alex)。

前周六( 9日)下午,本刊發現姜麗文與楊政龍一身沙灘 look到西沙茶座 high tea。兩人點了兩杯 cocktail,在茶座暗角處談心,其間細聲講大聲笑,能度親暱。一小時後二人埋單離開,楊政龍以價值百多萬的 GTR跑車接載姜麗文。楊公子上車前不忘為女方開車門,盡顯風度。

連嗒三女

憑《星夢傳奇》忽然彈出的鄭俊弘,昔日形象乖仔,不過人紅咗就心癢癢,被踢爆背住正印姜麗文在四個月內連嗒三女。

蔡思貝因與應屆港姐亞軍蔡思貝接連合作拍劇及超市廣告,一撻即着。今年 4月二人被網友拍得拍拖到紅館睇台灣樂隊蘇打綠演唱會。

《蘋果日報》圖片

王嘉儀今年 6月,鄭俊弘被揭夜會參加《超級巨聲》出道的王嘉儀,到大坑撐枱腳 gathering。但被記者撞破後,二人即慌忙跑落地鐵逃避,擺明身有屎。

王君馨有傳在拍《星夢》期間,王君馨與鄭俊弘鬼聲鬼氣啱 key互冧。早前二人在中環拍世界盃宣傳片時,有人見到王君馨主動替男方抹臉。

比堅尼誘新歡

跑車直駛西貢榕樹澳,二人會合幾名友人後,便乘接駁船往附近魚排滑水。記者發現姜麗文甫到埗,便興奮剝剩粉紅比堅尼。只見平日甚密實的她原來屬有料之人, 34D魔鬼身材盡現,而楊政龍亦好識𠱁姜麗文,不時主動揸機替女方留倩影。之後眾人輪住出海滑水,楊政龍更主動替姜麗文穿滑水鞋,又教對方滑水秘技,似乎他是滑水高手。

甜蜜撐枱腳

二人滑水前,楊政龍首先帶姜麗文到西貢西沙茶座醫肚,雖然男方細女方一歲,但二人外形甚匹配。

細心開車門

當日楊政龍出動百多萬的 GTR跑車,更開定車門等女方,盡顯風度。

平食泰國菜

二人滑完水後,便到九龍城小曼谷食泰國菜。食飽飽的楊政龍更熱到當街剝去背心。

暗角捉手

見人少兼黑孖孖,姜麗文終放下防線,一度捉實男方手上車打道回土瓜灣寓所。

讚冇公主病

黑氣纏身

玩足三粒鐘,眾人都謝晒,但一對小情侶卻意猶未盡,撇低班 friend,再到九龍城食泰菜。現場所見,楊二少不像一般富二代擺架子,竟不拘小節赤裸上身行街。他進餐期間,記者聽到他多次對姜麗文噓寒問暖,又為女方夾餸,體貼到暈。據楊身邊友人透露:「 Alex真係好識照顧女仔,就算 7仔買包紙巾,都爭住俾錢;見你八達通冇錢,又會幫你增值。佢唔似一般有錢仔咁一味揸靚車,有時都鍾意搭地鐵同巴士。佢同 Lesley喺外國讀書,識咗超過十年,當時大班朋友一齊玩,依家見番,兩個都係單身,加上 Alex覺得 Lesley份人唔造作,大情大性冇公主病,所以好啱 key!」

周三( 20日),記者致電姜麗文,對於與猛料新歡楊政龍暗撻,姜多番迴避,只說:「哎吔!佢(楊政龍)係我啲 family friend,識咗好耐㗎」問到她與鄭俊弘分手,她想了一會,斬釘截鐵說:「我同佢從來只係好朋友!」至於鄭俊弘,上周六( 16日)記者在活動上欲訪問他,但卻遭其助手阻攔。事後記者致電鄭,他則表示:「 Sorry,唔可以回應。」火速搵到超筍盤,姜麗文下一次比賽不如唱番首〈活得比你好〉

百億王國接班人

今年 27歲的楊政龍是父親楊受成與第二任妻子陸小曼的兒子, 09年畢業於美國波士頓 Suffolk University商科,現為英皇集團企業行政主任。他亦是深圳政協委員及富二代組班的菁英會會員。

前年在英皇的 70周年誌慶晚宴上,楊受成安排楊政龍緊接自己上台致謝辭,又親自介紹他認識各世叔伯。同年楊受成推出的自傳中亦透露在 Alex身上看到自己影子,似暗示他將有機會成為這個百億王國的接班人。出名謙虛低調的 Alex卻曾在訪問時搞笑謂:「我喺公司係二打六乜都做,要學吓嘢先。」被問到可會因利乘便追明星時,他則謙稱:「我估高攀唔起喎!」好識講嘢。

貴為楊受成兒子,楊政龍日常卻喜歡坐巴士、地鐵,為人低調。



鍾意就快D Share啦!