[壹週刊 1274] 新車落地 蔡楓華突然發咗 蔡楓華,M1,

我係八十年代天王巨星！（真實對白）

探熱針

新車落地　蔡楓華突然發咗

入行三十四年，蔡楓華一句「剎那光輝未必係永恒」當眾「自殺」後，立即消失！一一年終有機會在九展開了三場演唱會；有收入，信心返晒嚟，語無倫次發作，同扶手棍盧敏儀反晒面。

復出上市後，蔡楓華由元朗搬到月租萬四的筲箕灣御景軒，去年在歌迷力撐下再開個唱，又斬多筆，近日更揸住價值三十多萬的雷諾（ Renault）跑車周圍去。有錢身痕！

師奶肯使錢

五十四歲的蔡楓華，得盧敏儀打救翻生後，又有張耀榮及林建名聯手相助，一圓在紅館開個唱心願，去年一班死士粉絲更夾錢力撐他在荃灣大會堂開騷。

「阿 Ken都係三年前出番嚟先成立歌迷會，嗰班 fans師奶好肯使錢，就算唔係生日、過年，見到都會俾利是，對住啲米飯班主，阿 Ken每次 gathering都會好 nice有傾有講，唔似平時咁扮晒 cool。」知情者說。

盧敏儀打救幫他開演唱會，不過最後亦反面收場。

今年 4月，蔡楓華跟歌迷聚會，本來 cool爆的他，收利是後即心情大好。

巨星上身

上週二（七月二十九日）下午，蔡楓華揸住今年六月才落地，價值三十多萬的白色法國雷諾跑車到九龍灣油站入油，身穿名牌 tee，戴帽戴墨鏡巨星上身，入完油，他自行落車走入油站收銀處俾錢，之後 cool爆離開。

「早排佢話要入紙申請今年十二月紅館再開騷其實都係吹水，舊年喺荃灣大會堂搞嗰鋪，都冇乜贊助商肯落疊，反應亦好麻麻，如果唔係啲 fans肯包底，根本開唔成。話十二月再開只係阿 Ken一廂情願。」

雖然紅館開騷是煲冇米粥，但蔡楓華偶然到美、加登台，加上間中返內地做騷，早已正式脫貧。

上週二，蔡楓華揸住新跑車到油站入油。

粉絲攬

去年在荃灣大會堂開個唱，戴假髮在台上唱歌的蔡楓華，雖然騎呢，但熱情歌迷依然死攬唔放。

隨街小便

一一年，冇跑車揸的蔡楓華得粉絲車出車入，目中無人的他，竟然在落車返屋企途中小便。

粉絲綁鞋帶

一一年復出接受電台訪問，有死士粉絲陪出入，更跪地替他綁鞋帶。

郁身郁勢

曾封娛樂圈四大癲王的蔡楓華，試過在公開場合巨星上身，搏人注意。

杜德偉多星撐

跟蔡楓華同樣在 80年代走紅，曾是台灣人氣王的杜德偉，回流香港搵食，今個月中於紅館舉行的兩場演唱會，雖然未賣爆，但亦去到七、八成飛。比蔡楓華後生兩年（ 52歲）的他，早前為無綫拍特輯谷飛，已預告個唱會有張學友、呂方、楊千嬅、草蜢、鍾鎮濤等好友做串星。

杜德偉多星撐，相對打完齋唔要和尚，連救命恩人盧敏儀都用完即棄的蔡楓華，圈中人緣好得多。

鍾意就快D Share啦！

下一篇 》