掃呢頁CODE去手機

2014年8月14日 星期四

[壹週刊 1275] 轉危為機  36歲生日 楊思琦帶女 Gathering 思琦,楊思琦,M1,




楊思琦跟相熟粉絲飯聚,離開食肆仍然傾唔停。

探熱針

轉危為機  36歲生日 楊思琦帶女 Gathering

近日以每集二萬元高薪,過檔有線主持訪談節目的楊思琦,雖然人工比無綫高四倍,但獨力養女的她,唔敢放軟手腳,每個禮拜都會過澳門返大陸登台撲奶粉錢,日前楊思琦留港休息,與死忠粉絲 gathering慶祝三十六歲生日,更帶埋媽咪囡囡三代同堂順道家庭樂。

工作新挑戰

生女後被無綫投閒置散的楊思琦,面對獨力養女的經濟壓力,思前想後,四個月前楊思琦決定離開大台外闖。

「生完女之後,思琦喺無綫嘅工作愈嚟愈少,佢有搵樂易玲反映,話想拍劇、做主持,但公司都冇理,為咗個女,思琦覺得冇可能坐喺度等運到,所以先決定走。」楊思琦友人說。

換回自由身,楊思琦工作機會不斷,早前更過檔有線做主持,人工是無綫昔日的四倍。

「有線專登度咗個女性訪談節目俾思琦做主持,請嘉賓以至訪問內容,佢都可以參與意見,思琦同我哋講,佢從來未做過呢類訪談節目,覺得好有挑戰性。有線嗰邊唔單只人工高,連錄影時間都肯遷就思琦,方便佢湊女,或者北上登台,真係好有誠意!」

參加聚會的粉絲支持思琦多年,關係如同朋友,所以思琦唔介意帶埋囡囡一同現身。

大小通吃

雖然有線收入可觀,但楊思琦依然努力接騷搵錢,澳門、內地的登台及私人騷,全部大小通吃。

「有個女雖然困身,但思琦唔介意頻頻撲撲,接內地或者澳門嘅工作,仲話一般打工仔,放工都要返屋企湊小朋友,唔覺得自己特別辛苦。」

留港時間不多,楊思琦為慶祝三十六歲生日,決定放假陪屋企人,更抽空帶埋媽咪同囡囡 Krystal,與十多名死忠粉絲 gathering。

「之前嘅感情創傷,思琦經歷咗一段低潮時間,除咗有媽咪支持,仲有呢班粉絲嘅鼓勵,佢哋不停寫信同偶像打氣,佢哋同思琦媽都好熟,關係好 close,所以思琦唔介意帶埋 Krystal出嚟。」知情者說。

除了幫有線做主持,思琦亦不停出席商場活動。

Krystal見到七彩玩具屋仔,睇到唔捨得走。

慳家思琦一直無請工人,就算媽咪剛做完眼部手術,都要幫手湊外孫女。

離巢前與鍾嘉欣合演的《大藥坊》,將於九月播出。

兩歲多的 Krystal十分活潑,不時玩到手舞足蹈,更愈大愈似媽咪。

擔任內地美甲公司生招牌,楊思琦早前盛裝返國內出席代言活動。

粉絲優惠

藝人為了保護自己仔女,總會千方百計避開傳媒追訪,但面對忠心粉絲,例外!

劉德華

自 12年寶貝女劉向蕙出世,劉德華聘請更多保鏢貼身保護老婆,以防女兒被傳媒偷拍,令容貌曝光,但一向視粉絲如家人的華仔,每次歌迷聚會都會發放一家三口合照,甚至主動報告女兒生活近況;今年三月的聚會上,華仔攞出手機,私下向歌迷展示女兒照片,不過每枱只限看三秒。

李克勤

07年誕下長子 Ryan李立仁後,李克勤一直拒讓兒子容貌曝光,直至 08年開演唱會,才在大熒幕公開 Ryan的照片及全家福。



鍾意就快D Share啦!