熱爆娛樂: [壹週刊 1275] 52歲景黛音　急救鬆弛面景黛音,M1,

2014年8月14日星期四

[壹週刊 1275] 52歲景黛音　急救鬆弛面景黛音,M1,

日前，景黛音孖住囡囡到又一城 high-tea兼 shopping。

探熱針

52歲景黛音　急救鬆弛面

淡出娛樂圈三十年的景黛音，最近突然沉迷微博，甚至公開美魔女防腐自拍相公諸同好。

五十二歲，看似保養得宜，但上週五（八月八日）景黛音孖住囡囡行又一城 shopping，著住闊身長裙，景黛音何止「五月」巨腩遮不住，鬆弛下巴更徹底推翻她的 V面假象。

改圖扮 V面

現年五十二歲的景黛音，近年熱愛玩微博，利用「美圖秀秀」功能將自拍大頭照改頭換面，放上網跟粉絲分享。

相片經過加工後，相中的景黛音肌膚白滑幼嫩、眼睛黑白分明，加埋 V煞面，成功贏得「美魔女」稱號。但現實歸現實，「未經加工」的景黛音上週五同囡囡現身又一城，穿上闊身長裙襯涼鞋白襪仔，心口掛住老花眼鏡，何止師奶味濃，身形更走晒樣，鬆身裙依然遮不住「五月」巨腩。身材失守，景黛音一張鬆弛面，更令她老態盡現。

著住闊身裙配涼鞋、短襪仔，加埋頸上掛住老花眼鏡，師奶味極濃。

八十年代曾經係無綫當紅花旦的景黛音，拍過《鹿鼎記》，飾演韋小寶其中一個老婆。

歎茶期間，景黛音不忘拎電話出嚟自拍。

用「美圖秀秀」執靚後，鬆弛下巴唔見咗，塊面 V晒！彷彿回到少女時期。

自拍上癮

當日下午四點，兩母女先到 coffee shop歎下午茶，自拍上癮的景黛音，拿出掌上電腦不斷玩自拍，務求影出不老 V煞面效果。醫飽肚，再到附近的 Log-on shopping，景黛音在護膚品專櫃尋寶，見到各種各樣功能面膜，即刻戴番副老花眼鏡，逐盒 mask拎上手研究。揀足半粒鐘，決定以一百九十五蚊買下「白金 V臉提昇導入面膜」，急救鬆弛面。

買完扮靚用品，母女轉場到超市上糧，蔬菜、生果、壽司樣樣買，逛足兩粒鐘，再坐的士返回嘉道理道的寓所休息。