掃呢頁CODE去手機

2014年8月14日 星期四

[壹週刊 1275] 單拖湊女 魏駿傑 魏駿傑,M1,




推住 BB車、帶 Jessica行玩具店嘅魏駿傑,老婆張利華全程冇影。

同你吟一吟

單拖湊女 魏駿傑

上個禮拜三(八月六日),《壹》仔撞見魏駿傑湊住四歲大囡囡 Jessica,兩父女一齊行又一城 shopping。

當日唔見魏太張利華同行,但魏駿傑單拖湊女一樣掂,佢先帶 Jessica行玩具反斗城,等小朋友玩夠買夠,再安頓囡囡坐 BB車休息,自己就出手睇吓有咩減價貨。

早排佢舊愛滕麗名幫代言嘅美容公司,拍攝噴血豐胸廣告,獲高登巴打封為「頂級性感怨婦」之餘,仲以「不識時務魏駿傑」,兜個圈笑魏駿傑走寶。

其實「滕魏戀」早已成過去,阿滕舊年都嫁埋俾圈外男友朱建崑,就算魏駿傑曾經不識時務 send短訊,想同阿滕復合,都返唔到轉頭

輪到魏駿傑去睇運動衫,有氣球玩嘅 Jessica,依然苦纏老豆。

安頓囡囡坐上 BB車自己玩,魏駿傑終於唧到時間,睇吓有咩減價衫。

阿滕早排影咗輯噴血豐胸廣告,獲網民激讚,仲將佢同魏太張利華比較,笑魏駿傑走寶。



鍾意就快D Share啦!