坐住車歎冷氣，生果店阿姐隔住車窗推介，劉嘉玲乜都話買，做佢生意真開心。
同你吟一吟
劉嘉玲豪買六千蚊生果
早個禮拜《壹》仔响中環撞見劉嘉玲，因為買衫買到唔知時間，司機將架車停正門口，最終俾阿 sir㩒住抄咗張三百二。
買衫又好，抄牌都好，最緊要劉嘉玲豪得起，就連買生果，都要最靚最貴。
上個禮拜五（八月八日），劉嘉玲同發哥周潤發、張家輝响電視城做完電影《賭城風雲 2》發布會，嗌司機車佢落九龍城買生果。全程坐响車歎住杯凍咖啡，劉嘉玲只係絞低車窗落 order，司機大哥就幫佢落車點貨兼埋單。
生果店阿姐摩打手執貨，包括有$698日本岡山綠寶石提子、$128長野巨峰葡萄、$168哥倫比亞麒麟果、$598日本德島蜜柑、$128青森糖心富士蘋果、$489日本皇帝珍珠提子禮盒裝、$298美國華盛頓車厘子，仲有大大個$298熊本西瓜等等等，全部起碼打孖上，講明唔使俾送禮紙袋，即係自己食，埋單，《壹》仔𥄫到部計算機，盛惠$6,460，可能劉嘉玲都冇諗過咁貴，司機大哥最後要出動埋自己荷包，幫老闆娘埋尾數。
六千幾銀買生果，八珍都係嗰句，嘉玲姐買件衫都唔只
|
鍾意就快D Share啦！
|
|
|
