全城熱爆的娛樂八封新聞 & 時事趣聞 & 生活 + 趣聞
金剛傍實女友蕊蕊推 BB車，唔少路人經過見到，忍唔住眼望望。
雖然金剛嘅緋聞名單曾經水蛇春咁長，但自從佢同陳蕊蕊公開承認拍拖之後，冇腳嘅雀仔終於識停低，除咗絕跡蒲場，舊年仲帶女友返台灣見屋企人，甚至開到口想娶佢做老婆。
早個禮拜《壹》仔見到佢兩個拍拖行尖沙咀海港城，同行仲有兩夫妻加個手抱 BB。當日金剛唔只做導遊，帶一家三口行去碼頭睇 Snoopy展，仲做埋攝影師幫朋友影相留念，至於金剛嫂陳蕊蕊，就幫手推 BB車。既然兩個都打算結婚組織家庭，咪當早啲實習吓咩係家庭樂囉！
金剛做攝影師，幫朋友一家三口影相留念。
所到之處，都有 fans嗌合照，金剛全部來者不拒。
