全城熱爆的娛樂八封新聞 & 時事趣聞 & 生活 + 趣聞
因為陪胡老太出席記者會，白姐姐搞到收胡漢清律師信，但佢話未驚過，仲有心情購物樂。
舊年胡漢清阿媽莊永楚，開記者會數臭個仔，要求攞番千萬房產，其間白韻琹因為有份陪實胡老太，搞到收胡漢清律師信，要求佢交代母子爭產事件中，有冇收受金錢利益。
官司纏身，但白姐姐未驚過，仲有心情行街 shopping。早個禮拜《壹》仔見到佢一個人行灣仔，專攻 20蚊就有交易嘅出口成衣店。睇嚟白姐姐係熟客，同店員一見面就雞啄唔斷，最後仲買到一件衫一條褲走人，埋單一嚿水有找，抵！
白姐姐行街 shopping愈行愈 cheap， 90蚊三件都唔捨得出手，後來見到 20蚊條格仔裙，即刻入去掃貨。
