2014年8月14日 星期四

[壹週刊 1275] 家暴大龍鳳 可嵐夫婦離奇復合 可嵐,M1,




探熱針

家暴大龍鳳 可嵐夫婦離奇復合

上月承認過去四年飽受家暴煎熬的可嵐,家事愈揭愈臭。被迫墮胎、發現小三、遭老公尤子威粗口辱罵聲帶曝光等,當日可嵐喊晒決定離婚,轉個頭,卻被發現兩公婆破冰「復合」,一家三口天倫樂。

忽然床頭打交床尾和,對於「復合」一事,兩人口供極不一致。尤子威聲稱現時兩人同屋不同床,可嵐則堅持離婚無彎轉,同枱食飯只係為個仔。

對食零交流

家暴事件公開後,尤子威一度與傳聞的內地小三「小玲」聯成一線反擊可嵐,尤子威更公開同小玲講:「想快啲生命再無這個人(可嵐)出現。」

離婚已成定局,但可嵐夫婦決裂唔夠一個月,男方突然態度軟化, WhatsApp同老婆道歉,希望保住婚姻。

上週一(八月四日),準備搬離元朗舊愛巢的可嵐,早上到彩虹勵行會教咖啡班,到下午五點放工,再逼巴士返元朗市中心,原來趕住同老公囝囝食晚飯。

曾在吵大鑊錄音對話中,口口聲聲唔想要個仔的尤子威,當晚慈父上身,抱住囝囝等老婆。難得一家三口天倫樂,但兩公婆整晚零交流,同枱食飯只係為個仔。食飽各有各撇,臨走時尤子威想同囝囝抱抱,竟遭小朋友請食檸檬,令老豆尤子威相當無癮。

4/8

上月家暴事件愈揭愈臭,兩公婆關係僵到爆。點知唔夠一個月,老公尤子威抱住囝囝同可嵐「復合」食飯,當冇事發生。



不過成餐飯,兩公婆似搭枱一樣冇兩句。而餐廳食客見到佢哋離奇復合,都投以奇怪眼光。

兩公婆坐埋食飯只係一粒鐘就散 band,離開時老公尤子威欲再攬吓個仔,點知囝囝扭計避開,而佢同可嵐就繼續冇交流。之後可嵐帶仔返家,同老公各有各撇。

為個仔坐埋一齊

事後記者致電尤子威,追問是否同老婆可嵐床頭打交床尾和,他帶點避忌說:「其實我一路唔知發生乜嘢事,我好被動。我承認用粗口鬧佢,但冇打佢。」

至於是否與可嵐同住元朗愛巢,他說:「一齊住但唔係一齊瞓,分房嘅!(有冇機會打消離婚念頭?)我好被動喎!但為咗個仔,我哋唔介意坐番埋一齊。(有冇考慮接受婚姻輔導?)如果係專業,我唔介意試吓。」

提到內地小三「小玲」,尤子威將出軌責任推在對方身上。「佢係我前度嚟咋,唔係小三。之前佢係有 send曖昧短訊俾我,但我冇覆佢喎!同佢仲有聯絡,都係因為有公事接觸。」

當日衝突到雜物冧晒,木門都爛,兩公婆多番家暴報警,上月最後一次打交因證據不足,警方通知雙方銷案。

可嵐有道歉

上月內地小三小玲與可嵐老公聯手反擊,女方放出兩人網上對話,當時尤子威仲話唔想可嵐再出現喺佢生命。點知轉過頭,佢向可嵐求原諒。

對於尤子威同居不同床說法,可嵐斷言否認,強調在屋內,有佢、冇我。「唔係喎,好多時我要喺內地工作,佢打嚟問可唔可以返屋企探仔同 over night,我話 OK。佢喺屋企時,我一定唔喺香港。到我返咗嚟,佢就要走,費時有爭執。況且我哋離婚手續已經搞緊,上咗法援,幾時分居我都要如實上報。」

至於同老公破冰同枱食飯,可嵐承認收到對方求原諒短訊,自己亦有跟尤子威道歉。「佢同人講話我為錢出嚟指責佢,實情我冇收過佢一蚊,我一早知佢會咁講,所以錄佢音,再放出嚟做一個公審,所以我都有為呢件事同佢道歉。」



鍾意就快D Share啦!
Related Posts Plugin for WordPress, Blogger...